(VOVWORLD) -ວັນທີ 27 ກໍລະກົດ ຂອງທຸກໆປີ, ຢູ່ຫວຽດນາມ ໄດ້ດໍາເນີນການເຄື່ອນໄຫວຫຼາຍຢ່າງເພື່ອຈາລຶກບຸນຄຸນຂອງບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດ, ທະຫານເຈັບປ່ວຍ, ຄອບຄົວເປົ້າໝາຍນະໂຍບາຍ, ຜູ້ມີຄຸນງາມຄວາມດີຕໍ່ພາລະກິດປົກປັກຮັກສາປະເທດຊາດ. ປີ 2020 ແມ່ນຄົບຮອບ 73 ປີແຫ່ງວັນທະຫານເສຍອົງຄະ ແລະ ນັກຮົບເສຍສະຫຼະຊີວິດເພື່ອຊາດ ເຊິ່ງກໍໄດ້ມີການເຄື່ອນໄຫວໃຫຍ່ ແລະ ຈຸດສຸມຫຼາຍຢ່າງຖືກດໍາເນີນໃນທົ່ວປະເທດຫວຽດນາມ, ອັນໄດ້ສະແດງໃຫ້ເຫັນມູນເຊື້ອວັດທະນະທໍາມະນຸດ, ຄວາມຮັບຜິດຊອບຢ່າງໃຫຍ່ຫຼວງຂອງອໍານາດການປົກຄອງທຸກຂັ້ນ ແລະ ປະຊາຊົນ ທີ່ມີຕໍ່ການປະກອບສ່ວນ, ຄວາມເສຍສະຫຼະຂອງທະຫານເສຍອົງຄະ, ນົກຮົບເສຍສະຫຼະຊີວິດເພື່ອຊາດ, ຜູ້ທີ່ມີຄຸນງາມຄວາມດີຕໍ່ການປະຕິວັດ.