ແງ່ຫວັງການພົວພັນລະຫວ່າງ ອາເມລິກາ - ຈີນ ຈາກກອງປະຊຸມສຸດຍອດແບບທາງໄກ
16/11/2021 07:43
(VOVWORLD) - ຕອນເຊົ້າວັນທີ 16 ພະຈິກ (ຕາມເວລາ ຫວຽດນາມ), ທ່ານປະທານາທິບໍດີ ອາເມລິກາ Joe Biden ແລະ ທ່ານປະທານປະເທດ ຈີນ ສີຈີ້ນຜິງ ໄດ້ດຳເນີນກອງປະຊຸມສຸດຍອດແບບທາງໄກ. ໂດຍດຳເນີນໃນສະພາບການພົວພັນລະຫວ່າງ ອາເມລິກາ - ຈີນ ພວມມີການສູ້ຢັນກັນຢ່າງຮຸນແຮງໃນຫຼາຍບັນຫາ, ກອງປະຊຸມຄັ້ງນີ້ໄດ້ຮັບຖືວ່າ ຍາກທີ່ຈະສາມາດບັນລຸໄດ້ບາດກ້າວບຸກທະລຸ, ແຕ່ກໍແມ່ນບາດກ້າວເດີນທີ່ຈຳເປັນ ເພື່ອສ້າງຄວາມສະຖຽນລະພາບຢູ່ແຕ່ລະປະເທດ ແລະ ສະພາບແວດລ້ອມພັດທະນາລວມ.
ກ່ອນທີ່ຮັບດຳລົງຕຳແໜ່ງເປັນປະທານາທິບໍດີ ອາເມລິກາ (ເດືອນມັງກອນ 2021), ທ່ານ Joe Biden ໄດ້ມີການພົບປະກັບທ່ານ ສີຈີ້ນຜິງ ມາຫຼາຍຄັ້ງແລ້ວ. ແຕ່ເຖິງຢ່າງໃດກໍຕາມ, ໃນຖານະເປັນຜູ້ນຳປະເທດ ອາເມລິກາ, ທ່ານ Joe Biden ຫາກໍມີການໂອ້ລົມກັບທ່ານ ສີຈີ້ນຜີງ ທາງໂທລະສັບເປັນສອງຄັ້ງ ແລະ ຍັງບໍ່ທັນໄດ້ເຈລະຈາກັບທ່ານປະທານປະເທດ ຈີນ ສີຈີ້ນຜີງ ເທື່ອ. ຍ້ອນເຫດນັ້ນ, ກອງປະຊຸມສຸດຍອດ ອາເມລິກາ - ຈີນ ທີ່ດຳເນີນໃນວັນທີ 16 ພະຈິກ ນີ້ ແມ່ນເຫດການທີ່ທັງຫາງສຽງສອງປະເທດ ກໍຄື ສາກົນມີຄວາມສົນໃຈເປັນພິເສດ.
TAG
VOV/VOVworld/ອາເມລິກາ/ຈີນ/ໄປເປ - ຈີນ/ກອງປະຊຸມສຸດຍອດ
Related
