(VOVWORLD) -ການເຄື່ອນໄຫວດ້ານວິທະຍາສາດ ແລະ ເຕັກໂນໂລຊີຂອງຫວຽດນາມ ໃນໄລຍະຜ່ານມາ ບັນລຸໄດ້ຜົນງານພົ້ນເດັ່ນຫຼາຍຢ່າງ, ເປີດບັນດາກາລະໂອກາດໃໝ່ເພື່ອພັດທະນາ, ມີໜ້າໃນທຸກໆຂົງເຂດແຫ່ງຊີວິດການເປັນຢູ່ຂອງປະຊາຊົນ. ໃນຊຸມມື້ຕົ້ນປີໃໝ່ 2018, ຜູ້ນຳລັດຖະບານຫວຽດນາມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເນັ້ນໜັກເປັນພິເສດເຖິງບັນດາມາດຕະການພັດທະນາວິທະຍາສາດ ແລະ ເຕັກໂນໂລຊີ ເພື່ອໃຫ້ ວິທະຍາສາດ ແລະ ເຕັກໂນໂລຊີ ສືບຕໍ່ເປັນ ກຳລັງໜູນພັດທະນາປະເທດຊາດ.