(VOVWORLD) - ວັນທີ 24 ມິຖຸນາ, ກ່ອນນີ້ 55 ປີ, ຫວຽດນາມ - ກຳປູເຈຍ ໄດ້ສ້າງຕັ້ງສາຍພົວພັນທາງການທູດ. ໃນຄາວນັ້ນ, ປະທານໂຮ່ຈີມິນ ໄດ້ຢັ້ງຢືນວ່າ ນີ້ແມ່ນເຫດການປະຫວັດສາດໃນການພົວພັນສອງຝ່າຍ, ເປັນປັດໄຈຕັ້ງໜ້າໃນການຮັກສາສັນຕິພາບຢູ່ອິນດູຈີນ ແລະ ອາຊີຕາເວັນອອກສ່ຽງໃຕ້. ການສ້າງຕັ້ງສາຍພົວພັນທາງການທູດລະຫວ່າງ 2 ປະເທດ ແມ່ນສັນຍາລັກທີ່ຮຸ່ງເຮືອງເຫຼືອງເຫຼືອມຂອງໄມຕີຈິດມິດຕະພາບທີ່ສະໜິດສະໜົມ ແລະ ຄວາມສາມັກຄີໃນການສູ້ຮົບ. 55 ປີໄດ້ຜ່ານໄປ, ນ້ຳໃຈໄມຕີຈິດມິດຕະພາບນັ້ນ ນັບມື້ນັບພັດທະນາ, ນຳມາເຊິ່ງຜົນປະໂຫຍດຢ່າງໃຫຍ່ຫຼວງໃຫ້ແກ່ທັງສອງຊາດ.