(VOVWORLD) -ສະພາບການໂລກລະບາດໂຄວິດ 19 ຢູ່ ພາຍໃນ ແລະ ຕ່າງປະເທດ ຍັງຄົງສືບຕໍ່ຜັນແປໄປຢ່າງສັບສົນ ແລະ ສົ່ງຜົນສະທ້ອນຢ່າງຫນັກຫນ່ວງເຖິງທຸກດ້ານໃນຊີວິດເສດຖະກິດ-ສັງຄົມຂອງປະເທດຊາດ. ໃນສະພາບການຫຍຸ້ງຍາກນີ້ ຮຽກຮ້ອງໃຫ້ພະນັກງານການນຳທຸກຂັ້ນຕ້ອງມີຄວາມຂ້ຽວຂາດ, ກ້າຄິດ, ກ້າທຳ, ມີສະຕິປັນຍາ ພ້ອມດ້ວຍໝູ່ຄະນະການນຳຜ່ານຜ່າຄວາມຫຍຸ້ງຍາກໃນໄລຍະປ້ອງກັນ ສະກັດກັ້ນໂລກລະບາດ ແລະ ຫລັງໂລກລະບາດ. ນີ້ກໍ່ແມ່ນຈຸດເວລາ ຊ່ວຍຕີລາຄາກຳລັງຄວາມສາມາດກົງຈັກ ເປັນຕົ້ນແມ່ນກຳລັງຄວາມສາມາດ ແລະ ອິດທິພົນຂອງພະນັກງານການນຳຄຸ້ມຄອງ ຄືດັ່ງຄຳເວົ້າຂອງທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ນັ້ນແມ່ນ “ຜ່ານການຮັບມືກັບໂລກລະບາດ ພວກເຮົາເຫັນໄດ້ວ່າ ພະນັກງານເກັ່ງກ້າຄືແນວໃດ”