(VOVWORLD) - ໃນສະພາບການປະເທດຊາດກ້າວເຂົ້າສູ່ໄລຍະພັດທະນາໃໝ່ດ້ວຍບັນດາຄວາມຮຽກຮ້ອງຕ້ອງການທີ່ນັບມື້ນັບສູງ ກ່ຽວກັບການບູລະນະລະບອບລະບຽບການ, ຍົກສູງປະສິດທິຜົນໃນການຄຸ້ມຄອງບໍລິຫານປະເທດຊາດ ແລະ ຊຸກຍູ້ການຫັນເປັນດີຈີຕອນ, ບົດບາດຂອງບັນດາອົງການໂດຍປະຊາຊົນເລືອກຕັ້ງນັບມື້ນັບມີຄວາມສຳຄັນ. ບັດເລືອກຕັ້ງແຕ່ລະບັດຂອງຜູ້ມີສິດເລືອກຕັ້ງຢູ່ການເລືອກຕັ້ງສະມາຊິກສະພາແຫ່ງຊາດຊຸດທີ XVI ແລະ ສະມາຊິກສະພາປະຊາຊົນທຸກຂັ້ນອາຍຸການ 2026 – 2031 ໃນວັນທີ 15 ມີນາ ຈະມາເຖິງບໍ່ພຽງແຕ່ສະແດງໃຫ້ເຫັນສິດເປັນເຈົ້າຂອງປະຊາຊົນເທົ່ານັ້ນ ຫາກຍັງຝາກຝັງຄວາມໄວ້ເນື້ອເຊື່ອໃຈຕໍ່ຜູ້ຕາງໜ້າໃຫ້ແກ່ເຈດຈຳນົງ ແລະ ຄວາມມຸ່ງຫວັງຂອງຜູ້ມີສິດເລືອກຕັ້ງ, ບັນດາຜູ້ທີ່ຈະເຂົ້າຮ່ວມການຕັດສິນບັນດາບັນຫາສຳຄັນຍິ່ງຂອງປະເທດຊາດໃນອາຍຸການຈະມາເຖິງ.