ກອງ​ປະ​ຊຸມ​ສຸດຍອດ 4 ຝ່າຍ​ລະ​ຫວ່າງ​ບັນ​ດາ​ການ​ນຳ​ເຢັຍ​ລະ​ມັນ, ຝະ​ລັ່ງ, ລັດ​ເຊຍ ແລະ ຢູແກຼນ ເພື່ອ​ແນ​ໃສ່​ຊອກ​ຫ​າ​ວິ​ທີ​ການ​ແກ້​ໄຂ​ໃຫ້​ແກ່​ການ​ສູ້​ຮົບ​ທີ່​ນັບ​ມື້​ນັບ​ເຄັ່ງ​ຕຶງ ​ຢູ່​ພາກ​ຕາ​ເວັນ​ອອກຢູ​ແກຼນໄດ້​ເລີ່ມ​ຈັດ​ຂຶ້ນ​ໃນ​ວັນ​ທີ 11/2 ແລະ ພວມດຳ​ເນີນຢູ່ນະ​ຄອນຫຼວງ Minsk ຂອງ​ເບ​ເລ​ຣຸດ. ເຖິງວ່າ​ຍັງ​ບໍ່​ທັນ​ບັນ​ລຸ​ໝາກ​ຜົນ​ສຸດ​ທ້າຍ​ກໍ​ຕາມ, ແຕ່​ວົງ​ການ​ນັກ​ໄຈ້​ແຍກ​ໃຫ້​ຂໍ້​ສັງ​ເກດ​ວ່າ ໝາກ​ຜົນ​ທີ່​ບັນ​ລຸ​ໄດ້​ອາດ​ຈະ​ບໍ່​ໄດ້​ຕາມ​ຄວາມ​ຫວັງ ແລະ ການ​ຊອກ​ຫາ​ວິ​ທີ​ແກ້​ໄຂ​ເພື່ອຫຼຸດ​ຜ່ອນ​ສະ​ພາບ​ການ​ປ​ະ​ທະກັນ​ຢູ່​ຢູ​ແກຼນ​ຈະ​ຍັງ​ຄົງເສຍ​ເວ​ລາຫຼາຍ​ຢູ່.      ບັນດາລັດຖະມົນຕີການຕ່າງປະເທດເຢັຍ​ລະ​ມັນ, ຝະ​ລັ່ງ, ລັດ​ເຊຍ ແລະ ຢູແກຼນທີ່ກອງປະຊຸມຢູ່ Berlin ເມື່ອ 17/8/2014. (ພາບ: AFP)      ການ​ເຈ​ລະ​ຈາ​ຖືກ​ເລີ່ມ​ດຳ​ເນີນ​ດ້ວຍ​ວາ​ລະ​ເປີດ​ກ້​ວາງ​ໂດຍ​ມີ​ການ​ເຂົ້າ​ຮ່ວມ​ຂອງບັນ​ດາ​ລັດ​ຖະ​ມົນ​ຕີ​ການ​ຕ່າງ​ປະ​ເທດ 4 ຝ່າຍ ແລະ ຜູ້​ຕາງ​ໜ້າ​ຂອງກຸ່ມ​ປະ​ຕ​ິ​ບັດ​ງານ ແລະ ຫຼັງຈາກນັ້ນ ແມ່ນ​ການ​ປະ​ຊຸມ​ວົງ​ແຄບ​ລວມ​ມີ​​ບັນ​ດາ​ການ​ນຳ​ເຢັຍ​ລະ​ມັນ, ຝະ​ລັ່ງ, ລັດ​ເຊຍ ແລະ ຢູ​ແກຼນ.