(VOVWORLD) -ຕອນຄ່ຳວັນທີ 2 ທັນວາ, ຕາມເວລາທ້ອງຖິ່ນ, ທ່ານປະທານປະເທດຫວຽດນາມ ຫງວຽນຊວັນຝຸກ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຫວຽດນາມ ໄດ້ອອກຈາກນະຄອນຫຼວງມົດສະກູ ເດີນທາງກັບມາປະເທດ, ສິ້ນສຸດການຢ້ຽມຢາມສະຫະພັນລັດເຊຍ ຢ່າງເປັນທາງການ ຢ່າງຈົບງາມ (29/11 - 02/12) ຕາມຄຳເຊີນຂອງປະທານາທິບໍດີ ສະຫະພັນລັດເຊຍ Vladimir Putin. ກ່ອນການໄປຢ້ຽມຢາມລັດເຊຍ ແຕ່ວັນທີ 25-29/11, ທ່ານປະທານປະເທດກໍ່ໄດ້ໄປຢ້ຽມຢາມສະຫະພັນສະວິດ ຕາມຄຳເຊີນຂອງປະທານາທິບໍດີ ສະຫະພັນສະວິດ Guy Parmelin. ຢູ່ແຕ່ລະປະເທດ, ທ່ານປະທານປະເທດຫວຽດນາມ ຫງວຽນຊວັນຝຸກ ລ້ວນແຕ່ໄດ້ນຳມາເຊິ່ງບັນດາສານສຳຄັນ, ຊຸກຍູ້ນ້ຳໃຈມິດຕະພາບ ແລະ ເຮັດໃຫ້ການພົວພັນສອງຝ່າຍລະຫວ່າງ ຫວຽດນາມ-ສະວິດ ແລະ ສະຫະພັນລັດເຊຍ ເລິກເຊິ່ງຂຶ້ນຕື່ມ.