(VOVWORLD) - ຕອນເຊົ້າວັນທີ 4 ມັງກອນ ເປັນຄັ້ງທຳອິດທີ່ສະພາແຫ່ງຊາດຫວຽດນາມ ໄດ້ດຳເນີນກອງປະຊຸມວິສາມັນ, ພິຈາລະນາ, ຕັດສິນ 4 ເນື້ອໃນຮີບດ່ວນແນໃສ່ຍູ້ໄວຂະບວນວິວັດຟື້ນຟູ ແລະ ພັດທະນາເສດຖະກິດ - ສັງຄົມໃນສະພາບການໂລກລະບາດໂຄວິດ - 19 ທີ່ຍັງມີການຜັນແປຢ່າງສັບສົນ. ການຈັດຕັ້ງກອງປະຊຸມຄັ້ງນີ້ ສືບຕໍ່ຢັ້ງຢືນຄວາມເປັນເຈົ້າການ, ຄວາມຮັບຜິດຊອບຂອງສະພາແຫ່ງຊາດໃນການສ້າງຕັ້ງພື້ນຖານນິຕິກຳເພື່ອແກ້ໄຂບັນດາໜ້າທີ່ຮີບດ່ວນຂອງປະເທດຊາດ. ນີ້ກໍແມ່ນປະຖົມປັດໄຈເພື່ອໃຫ້ສະພາແຫ່ງຊາດສືບຕໍ່ປ່ຽນແປງໃໝ່ວິທີການຈັດຕັ້ງກອງປະຊຸມຢ່າງມີໄຫວພິບກວ່າ, ແນໃສ່ປະຕິບັດເປົ້າໝາຍສູງສຸດແມ່ນຟື້ນຟູການພັດທະນາຂອງປະເທດຊາດ.