(VOVWORLD) - ໂດຍກຳນົດວ່າ ມີບ່ອນຢູ່ຖາວອນ, ມີອາຊີບໝັ້ນຄົງ ແມ່ນພື້ນຖານສຳຄັນໃນພາລະກິດແຫ່ງການລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ໃນຊຸມປີຜ່ານມາ ມີຫລາຍແຜນຮ່າງ, ນະໂຍບາຍຮັບປະກັນຊີວິດສັງຄົມ ໂດຍແຂວງ ເຊີນລາ ໄດ້ຜັນຂະຫຍາຍຢ່າງມີປະສິດທິຜົນ. ຢູ່ບັນດາເມືອງ ພູດອຍ, ໃນນັ້ນ ມີເມືອງ ບັກອຽນ, ມີຫລາຍຄອບຄົວທຸກຍາກໄດ້ຮັບການຫນູນຊ່ວຍທຶນຮອນທຳການຜະລິດເພື່ອປົວແປງການທຳມາຫາກິນ, ລົບລ້າງເຮືອນຢູ່ຊົ່ວຄາວ... ບັນດານະໂຍບາຍນີ້ໄດ້ສ້າງບາດກ້າວປ່ຽນແປງຢູ່ເຂດດິນແດນທີ່ຫຍຸ້ງຍາກນີ້.