Vovworld-ជាមួយសេចក្តីសំរេចចិត្តនេះ មានបុគ្គលិករដ្ឋការពី៨សែន​ដល់​១លាននាក់ក្នុងចំណោមបុគ្គលិករដ្ឋ២,៨លាននាក់ដែលកំពុងធ្វើការឲ្យរដ្ឋាភិបាល សហរដ្ឋត្រូវបង្ខំឈប់សំរាកដោយគ្មានប្រាក់ខែ ទាហានប្រមាណ១,៤លាននាក់ នៅបន្ត​បំពេញការងារប៉ុន្តែទទួលប្រាក់ខែយឺតជាដើម។​ ក្នុងពេលនោះ លើវិស័យ ​សេដ្ឋកិច្ច ការខ្វែងគំនិតដ៏ជ្រាលជ្រៅនៅរដ្ឋសភាអាមេរិកបានធ្វើឲ្យប្រាក់ដុល្លារ ​អាមេរិកធ្លាក់តំលៃ។ ក្នុងពេលធ្វើពាណិជ្ជកម្មនាថ្ងៃទី១តុលានៅទីផ្សារតូក្យូ ប្រាក់​ដុល្លារអាមេរិកបានប្តូរជាមួយកំរិត៩៨,១៦យេនក្នុង១ដុល្លារអាមេរិក ធ្លាក់ចុះបើ​ប្រៀបនឹងកំរិត៩៨,២១យេនក្នុង១ដុល្លារអាមេរិកនៅចុងថ្ងៃទី៣០កញ្ញា។ ប្រាក់​ ដុល្លារ​អាមេរិកក៏ត្រូវធ្លាក់តំលៃបើប្រៀបនឹងប្រាក់ស្នូលស្ទើរតែទាំងអស់នៅក្នុង ដំបន់​អាស៊ី-ប៉ាស៊ីហ្វិកផងដែរ។         ជាច្បាស់ណាស់ថា ការជាប់គាំងខាងថវិការរបស់រដ្ឋាភិបាលអាមេរិកមាន ការផលប៉ះពាល់ដល់ជ្រុងជ្រោយជាច្រើនរបស់ជីវភាពរស់នៅពិភពលោក។ ក្រុមហ៊ុនស្រាវជ្រាវ IHS បាន​ព្យាករណ៍ថា​អាមេរិកនឹងត្រូវខូចខាតយ៉ាងតិចបំផុត ប្រមាណ៣រយលានដុល្លារ​អាមេរិកក្នុងមួយថ្ងៃដោយសារទិន្នផលសេដ្ឋកិច្ចបាន ធ្លាក់ចុះ។​ កំរិតនេះ​នឹង​កើនឡើងប្រសិនបើស្ថានភាពបិទទ្វារបានអូសបន្លាយដ៏យូរ​ធ្វើឲ្យទំនុកទុកចិត្ត​និងការចំណាយរបស់អង្គភាពអាជីវកម្មអ្នកប្រើប្រាស់បន្តថយ ចុះ។ តាមការព្យាករណ៍​ថា រដ្ឋាភិបាលបិទទ្វារក្នុងរយៈពេល២សប្ដាហ៍នឹងធ្វើឲ្យ កំណើន GDP នៃត្រីមាស​ទី​៤ថយចុះ០,៥% បិទទ្វាររហូតក្នុងខែតុលានឹងធ្វើឲ្យ GDP ថយចុះ២%។         ចំណងចងធំបំផុតក្នុងការតស៊ូនេះគឺ Obamacare។ តាមនោះក្រមច្បាប់នេះ កំណត់ប្រជាជន​អាមេរិកទាំងអស់ត្រូវមានធានារ៉ាប់រងសុខភាពមុនឆ្នាំ២០១៤។​ បើមិនមាន គេ​នឹងត្រូវផាកពិន័យ។ នាបច្ចុប្បន្ន ប្រទេសអាមេរិកបានមានប្រជាជន ប្រមាណ​៥០​លាន​នាក់ ស្រូបយក១៦%នៃចំនួនប្រជាជនគ្មានធានារ៉ាប់រង សុខាភិបាល។ ច្បាប់ធានារ៉ាប់រងសុខភាពរបស់លោក Obama ត្រូវបានសង្ឃឹមថា​ នឹងជួយមនុស្ស​ប្រមាណ៣២លាននាក់ក្នុងចំណោមពោលខាងលើបានទទួល សេវាកម្ម​សុខាភិបាលតាមរយៈធានារ៉ាប់រង។ តាមលទ្ធផលស្តង់មតិរបស់ក្រុមហ៊ុន CNBC នោះ បានមានមតិប្រមាណ៤៤%គាំទ្រការផ្ដល់ថវិការសំរាប់កម្មវិធីធានារ៉ាប់រង សុខភាពនេះក្នុងពេលនោះបរិមាណអ្នកប្រឆាំងត្រឹមតែស្រូបយក៣៨%តែប៉ុណ្ណោះ។          ប៉ុន្តែមជ្ឈដ្ឋានអ្នកមាននិងបណ្ដាព្រឹទ្ធសមាជិកគណបក្សសាធារណរដ្ឋបាន ប្រឆាំងជំទាស់នឹង Obamacare ជាមួយមូលហេតុវានឹងធ្វើឲ្យប្រាក់ពន្ធរបស់ប្រជាជន អាមេរិក​កើន​ឡើងប្រមាណ៥សែនលានដុល្លារអាមេរិក។ បំរែបំរួលនេះជា​ការ​សាកល្បងដ៏ធំធេងចំពោះរដ្ឋាភិបាលរបស់ប្រធានាធិបតី Obama។ ឧបទ្ទេហេតុ លើកទី១បានប្រព្រឹត្តទៅចុងឆ្នាំ១៩៩៥និងដើមឆ្នាំ១៩៩៦ ក្នុង​ពេលដែលប្រធានាធិបតី Bill Clinton និងបណ្ដាថ្នាក់ដឹកនាំរដ្ឋសភាមិនទទួល​បាន​ការស្រុះចិត្តគំនិតអំពីមាត្រា ក្នុងពង្រាងច្បាប់ថវិការរដ្ឋ។​ ពេលនោះស្ថាប័នមួយ​ចំនួន​របស់រដ្ឋាភិបាលសហរដ្ឋ ត្រូវបិទទ្វារក្នុងរយៈពេល២១ថ្ងៃ។         នាបច្ចុប្បន្ន ប្រទេសអាមេរិកកំពុងរង់ចាំការកំណត់ពេលវេលាថ្មីមួយ។ តាម​នោះ ថ្ងៃទី១៧តុលាខាងមុខនឹងជារយៈកាលកំណត់ចុងក្រោយសំរាប់ការដម្លើងអតិបរមានៃ ប្រាក់បំណុល​របស់រដ្ឋាភិបាលដែលកំពុងនៅកំរិត១៦លាន៧សែនលានដុល្លារ​អាមេរិក។​ប្រសិនបើរដ្ឋសភានៃប្រទេសនេះមិនអាចអនុម័តលើការដំឡើងកំរិតអតិបរមានៃប្រាក់ បំណុលនោះ ប្រទេសអាមេរិកនឹងជាលើកដំបូងក្នុងប្រវត្តិសាស្ត្រត្រូវក្ស័យធុនអំពី​ខាង ទ្រឹស្តី។ សាធារណៈមតិបានចាត់ទុកថា រួមជាមួយបញ្ហាកំរិតប្រាក់បំណុល​សាធារណៈ បញ្ហាថវិការរដ្ឋនាបច្ចុប្បន្នបាននិងកំពុងគំរាមកំហែងស្ថិរភាពរបស់​ខឿន​សេដ្ឋកិច្ចធំ បំផុតលើពិភពលោកនេះ៕