ប៉ះទង្កិចយ៉ាងសារហាវនៅដំបន់ដី Gaza ដែលធ្វើឲ្យប្រជាជនជិត២០០នាក់ត្រូវស្លាប់ក្នុងសប្ដាហ៍កន្លងទៅ        VOVworld-បទបញ្ជាឈប់បាញ់ត្រូវបានរដ្ឋាភិបាលអេហ្សីប ជាប្រទេសអ្នក​អាជ្ញាកណ្ដាលសម្រុះសម្រួលប្រកាសនៅសន្និសីទកាសែតជាមួយរដ្ឋមន្ត្រី ការបរទេស​អាមេរិកលោកស្រី Hillary Clinton នៅរដ្ឋធានីគែនាថ្ងៃទី២១វិច្ឆិកា។ មុននោះ សេចក្តីប្រកាស​ពីខុទ្ទកាល័យនាយករដ្ឋមន្ត្រីអ៊ីស្រាអែលក៏ឲ្យដឹងថា លោកនាយករដ្ឋមន្ត្រី Benjamin Netanyahu បានឯកភាពជាមួយមតិឈប់បាញ់ របស់អេហ្សីបសំដៅបញ្ឈប់​អំពើហឹង្សាបង្ហូឈាមក្នុងរយៈពេលមួយសប្ដាហ៍ កន្លងទៅនៅក្នុងនិងជំវិញដំបន់ដី Gaza។ ភាគីចលនា​ឥស្លាម Hamas ក៏ប្រកាស បញ្ជាក់ការដែលភាគីទាំងពីរទទួលបានកិច្ចព្រមព្រៀង​ពោលខាងលើដែរ។ តាមកិច្ចព្រមព្រៀងឈប់បាញ់ថ្មីនេះ អ៊ីស្រាអែលនឹងបញ្ឈប់​បណ្ដា​ការវាយ ប្រហារទៅលើដំបន់ Gaza ទាំងស្រុងនិងភាគីប៉ាឡេស្ទីននឹងបញ្ឈប់គ្រប់ សកម្មភាព​ប្រឆាំង​អ៊ីស្រាអែលរួមមានការបាញ់កាំជ្រួចនិងវាយប្រហារនៅ តាមដំបន់ព្រំដែន។         ការដែលរដ្ឋហ្សីបយល់ព្រមឈប់បាញ់ចំពេលដែលយុទ្ធនាការ​សសរស្នូល ការពារជាតិរបស់អ៊ីស្រាអែលកំពុងមានលទ្ធភាពក្លាយទៅជាការឈ្លានពានក្នុង ទ្រង់ទ្រាយធំមួយនៅដំបន់ Gaza គឺមានមូលហេតុជាច្រើន។ ក្នុងនោះ​ប្រការគួរ ឲ្យយកចិត្តទុកដាក់គឺបើតាមមជ្ឈដ្ឋានអ្នកវិភាគថា ប្រសិនបើយុទ្ធនាការ​យោធា​អូសបន្លាយយូនឹងជះឥទ្ធិពលទៅលើនាយករដ្ឋមន្ត្រីអ៊ីស្រាអែល Benyamin Netayahu ក្នុងពេលដែលការបោះឆ្នោតរដ្ឋសភាកំពុងជិតមកដល់។ ស្ដីពីភាគី​ ចលនា​ឥស្លាម Hamas គេក៏មិនទទួលបានផលប្រយោជន៍ប្រសិនបើការប៉ះទង្កិច អូសបន្លាយ​យូរ។ ក្រៅពីការដែលផ្ទៃក្នុងចលនាកំពុងមានការខ្វែងគំនិតក្នុងការ ​ជ្រើស​រើសអ្នកដឹកនាំថ្មីនោះ នៅដំបន់ Gaza Hamas ក៏ប្រឈមមុខនឹងការប្រគួត ប្រជែង​យ៉ាងខ្លាំងក្លារបស់អង្គការផ្សេងៗទៀតផង។ អគ្គលេខាធិការអង្គការសហប្រជាជាតិ Ban Ki Moon ចាត់ទុកការទទួលបានបទបញ្ជាឈប់បាញ់គឺជាប្រការចាំបាច់នៅដំបន់ Gaza ចំពោះប្រជាជន Gaza         ទោះបីកិច្ចព្រមព្រៀងឈប់បាញ់ទទួលបានអមជាមួយសេចក្តីជូនពរទាំង នោះក្តី សហគមន៍អន្តរជាតិនៅតែព្រួយបារម្មណ៍អំពីចរិតលក្ខណៈចីរភាព របស់វា ពីព្រោះ​ប្រវត្តិសាស្ត្របណ្ដាការប៉ះទង្កិចនៅដំបន់ Gaza មិនតិចដងទេ ដែលរដ្ឋាភិបាលអ៊ីស្រាអែលនិងចលនា Hamas ទទួលបានកិច្ចព្រមព្រៀង ឈប់បាញ់ប៉ុន្តែត្រូវបំផ្លាញ់ទៅវិញមិនយូរ​ប៉ុន្មាន។ អគ្គលេខាធិការអង្គការ សហប្រជាជាតិ Ban Ki Moon ចាត់ទុក​ការ​ទទួលបានបទបញ្ជាឈប់បាញ់ គឺជាប្រការចាំបាច់នៅដំបន់ Gaza ចំពោះប្រជាជន Gaza ទន្ទឹមនឹងនោះ លោកក៏អំពាវនាវបណ្ដាភាគីអត់ធ្មត់គោរពនិងជឿជាក់គ្នា​ដើម្បី​រក្សាបទ បញ្ជាឈប់បាញ់នេះ។ រីឯរដ្ឋមន្ត្រីការបរទេសអាមេរិក Hillary Clinton បានឲ្យ ដឹងថា អាមេរិកសម្ព័ន្ធមិត្តជិតស្និទ្ធរបស់អ៊ីស្រាអែល ស្វាគមកិច្ចព្រមព្រៀង​ ឈប់បាញ់។ លោកស្រី Hilary ក៏មិនភ្លេចការអះអាងក្នុងរយៈពេលប៉ុន្មាន ថ្ងៃខាងមុខ អាមេរិក​និងបណ្ដាដៃគូរនៅដំបន់នឹងពង្រឹងដំណើរការនេះ និងកែលំអរលក្ខណៈជីវភាពរស់នៅ​សំរាប់ប្រជាជននៅដំបន់ Gaza ក៏ដូចជា ធានាសន្តិសុខសំរាប់អ៊ីស្រាអែលផងដែរ។ រដ្ឋមន្ត្រីក្រសួងការបរទេសអេហ្ស៊ីប Mohamed Kamel Amr បានអំពាវនាវ​ភាគី​នានារួមជាមួយអ្នកឃ្លាំមើលអនុវត្ត រាល់មាត្រានៃកិច្ចព្រមព្រៀងក៏ដូចជាការសន្យា​របស់ភាគីទាក់ទិននានា។ រួមជាមួយសេចក្ដីជូនពរ សហគមន៍អន្តរជាតិនៅអំពាវនាវភាគីទាំងពីរអនុវត្ត យ៉ាងមឹងមាត់បទឈប់បាញ់ ពីព្រោះគេយល់ដឹងយ៉ាងច្បាស់អំពីធាតុពិតនៃ ទំនាក់ទំនងរវាងរដ្ឋាភិបាល​អ៊ីស្រាអែល និងចលនាឥស្លាម Hamas។  សន្តិភាពនៅ Gaza នៅតែស្តូចស្ដើងដ៏ដែល         ការដែលរដ្ឋហ្សីបនិងចលនាឥស្លាមHamas ទទួលបានកិច្ចព្រម​ព្រៀង​ ឈប់​បាញ់នេះ គឺជាសញ្ញាគួរអោយសប្បាយរីករាយចំពោះ សន្តិភាព​ក្នុង​តំបន់  ប៉ុន្តែការ​រក្សារ​កិច្ចព្រមព្រៀងនេះគឺជាបញ្ហាផ្សេង។ ​មើលទៅសន្តិភាពនៅ​ទី​នេះ​នៅតែស្តូចស្ដើងដ៏ដែល៕