ក្នុងតួនាទីជាសមាជិកសកម្ម នៃវេទិកាសភាពហុភាគី ដោយចូលរួម IPU-១៥២ វៀតណាមនឹងបន្តចូលរួមចំណែកយ៉ាងសកម្ម ពិភាក្សា ចែករំលែកបទពិសោធន៍ និងស្នើគំនិតផ្តួចផ្តើម ដើម្បីដោះស្រាយបញ្ហាប្រឈមរួមនៅក្នុងបរិបទពិភពលោកនាបច្ចុប្បន្ន។ ទន្ទឹមនឹងនោះ ពង្រឹងទំនាក់ទំនងសហប្រតិបត្តិការមិត្តភាពប្រពៃណីជាមួយទួរគី និងអ៊ីតាលីផងដែរ។ ក្នុងបរិបទដែលវៀតណាមទើបតែរៀបចំព្រឹត្តិការណ៍នយោបាយសំខាន់ៗ ដំណើរទស្សនកិច្ចរបស់លោកប្រធានរដ្ឋសភា ត្រិន ថាញ់មិន គឺជាជំហានជាក់ស្តែងមួយ ក្នុងការអនុវត្តន៍គោលការណ៍លើកកម្ពស់ឋានៈរបស់ប្រទេសជាតិ និងបញ្ជាក់ពីតួនាទីរបស់រដ្ឋសភាក្នុងការទូតវៀតណាមសម័យទំនើប។ TSCT AM ngay 10-4_Anh 1.jpeg ប្រធានរដ្ឋសភា លោក ត្រិន ថាញ់មិន និងអគ្គលេខាធិការសហភាពអន្តរសភា (IPU) លោក ម៉ាទីន ជុងហ្គុង។ រូបថត៖ VOV