Hacker ដំណើការវាយប្រហារទៅលើគណនី Twitter និង YouTube របស់មេបញ្ជាការដ្ឋានកណ្ដាលអាមេរិក (Image: VOV) (VOVworld) – នាថ្ងៃទី ១២ មករា អាមេរិកបានទទួលស្គាល់ថា៖ បណ្ដា Hacker ដែលគាំទ្រអង្គការរដ្ឋឥស្លាមស្វ័យប្រកាស (IS) បានដំណើការវាយប្រហារទៅលើ គណនីលើបណ្ដាញគេហទំព័រសង្គម Twitter និង YouTube របស់មេបញ្ជាការដ្ឋាន កណ្ដាលអាមេរិក (CENTCOM) ដែលជាស្ថាប័នទទួលបន្ទុកបណ្ដាយុទ្ធនាការយោធា នៅមជ្ឈឹមបូរព៌ារ។ បន្ទាប់ពីការវាយប្រហារ ឡូហ្គោរបស់ CENTCOM ត្រូវបានជំនួស ដោយរូបថតជនប្រដាប់អាវុធមួយនិងទិសស្លោក “រដ្ឋឥស្លាមលើបណ្តាញអិនធឺណែត” និង “ខ្ញុំស្រឡាញ់ IS”។ ក្នុងពេលនោះ គណនី Twitter របស់ CENTCOM ពោពេញទៅ ដោយពាក្យគំរាមកំហែងតម្រង់ទៅលើអាមេរិក។ វីដេអ៊ូចំនួន ២ ស្តីអំពី IS ក៏ត្រូវបាន ផ្សាយលើគណនី YouTube របស់ CENTCOM ផងដែរ។ នាបច្ចុប្បន្ន CENTCOM កំពុងអនុវត្តរាល់វិធានការសមស្របដើម្បីដោះស្រាយបញ្ហានេះ។