ជនហ្ស៊កដានីធ្វើបាតុកម្មប្រឆាំងជំទាស់កិច្ចព្រមព្រៀងសន្តិភាពជាមួយអ៊ីស្រាអ៊ែល (រូបថត៖xinhuanet) (VOVworld) - នាថ្ងៃទី២៨ តុលា ជនហ្ស៊កដានីរាប់រយនាក់បានចុះផ្លូវធ្វើបាតុកម្ម ដើម្បីអំពាវនាវឲ្យលុបចោលកិច្ចព្រមព្រៀងសន្តិភាពដែលត្រូវបានចុះហត្ថលេខាជា មួយអ៊ីស្រាអ៊ែលមុននេះ២២ឆ្នាំ។ក្រុមបាតុករដាស់តឿនឲ្យរដ្ឋាភិបាលកាត់ផ្ដាច់ ទំនាក់ទំនងជាមួយអ៊ីស្រាអ៊ែល ព្រមទាំងផ្អាកកិច្ចព្រមព្រៀងនាំចូលប្រេងឧស្ម័ន ពីអ៊ីស្រាអ៊ែល ដែលហ្ស៊កដានីទើបនឹងបានចុះហត្ថលេខាកាលពីខែមុន។តាមក្រុម បាតុករថា កិច្ចព្រមព្រៀងប្រេងឧស្ម័ននេះមិនបម្រើផលប្រយោជន៍របស់ប្រជាជន នោះទេ។នាថ្ងៃទី២៦ កញ្ញា​ កន្លងទៅ ហ្ស៊កដានីបានចុះហត្ថលេខាលើកិច្ចព្រម ព្រៀងស្ដីអំពីការនាំចូលប្រេងឧស្ម័នធម្មជាតិក្នុងតំលៃ១០ពាន់លានដុល្លាអាមេរិក ជាមួយសម្ព័ន្ធក្រុមហ៊ុន Delek របស់អ៊ីស្រាអ៊ែល ក្នុងរយៈពេល១៥ឆ្នាំ ចាប់ពីឆ្នាំ  ២០១៩៕