ការវាយតម្លៃនេះ ត្រូវបានធ្វើឡើងដោយលោក Shantanu Chakraborty នាយកធនាគារអភិវឌ្ឍន៍អាស៊ី (ADB) ប្រចាំនៅវៀតណាម ក្នុងពិធីប្រកាសរបាយការណ៍ យថាទស្សន៍អភិវឌ្ឍន៍អាស៊ី សម្រាប់ខែកញ្ញា ឆ្នាំ ២០២៦ ដែលបានប្រព្រឹត្តទៅនៅព្រឹកថ្ងៃទី ២៣ ខែកញ្ញា នៅទីក្រុងហាណូយ។
យោងតាមលោក Chakraborty ផលិតផលក្នុងស្រុកសរុប (GDP) របស់វៀតណាមសម្រេចបានកំណើនគួរ ឱ្យកត់សម្គាល់ចំនួន ៨,២% នៅក្នុងឆមាសទីមួយនៃឆ្នាំ ២០២៦។ កំណើនទាំងនេះ ត្រូវបានពង្រឹងដោយការជំរុញផលិតកម្ម ការប្រើប្រាស់ក្នុងស្រុក ការវិនិយោគផ្ទាល់ពីបរទេសប្រកបដោយស្ថិរភាព និងគោលនយោបាយគាំទ្រជាច្រើន។
«វៀតណាមបានចាប់ផ្តើមឆ្នាំ ២០២៦ ជាមួយនឹងសន្ទុះកំណើនដ៏ខ្លាំងក្លា ហើយបន្តដំណើរការបានយ៉ាងល្អនៅក្នុងឆមាសទីមួយនៃឆ្នាំ២០២៦ ទោះបីជាស្ថានភាពពីភពលោកមានការប្រៃប្រួលជាច្រើនក៏ដោយ។ ADB បានដំឡើងការព្យាករណ៍កំណើនសម្រាប់វៀតណាមដល់ ៧,៨% សម្រាប់ឆ្នាំ ២០២៦ ខ្ពស់ជាថកម្រិត ៧,២% ដែលបានព្យាករណ៍កាលពីខែកក្កដា។ កំណើនត្រូវបានព្យាករណ៍ថា នឹងបន្ថយល្បឿនមកនៅត្រឹម ៧,៦% ក្នុងឆ្នាំ ២០២៧។ នេះនៅតែជាល្បឿនដ៏ខ្លាំងក្លា ហើយជាការពិតណាស់ ជាអត្រាកំណើនលឿនបំផុតនៅក្នុងតំបន់អាស៊ីអាគ្នេយ៍»។
យោងតាមធនាគារអភិវឌ្ឍន៍អាស៊ី (ADB) កិច្ចខិតខំប្រឹងប្រែងកំណែទម្រង់ជាបន្តបន្ទាប់ នឹងក្លាយជាគន្លឹះរបស់វៀតណាមក្នុងការជំរុញផលិតភាព ពង្រឹងភាពធន់ និងខិតជិតដល់គោលដៅនៃការក្លាយជាប្រទេសដែលមានប្រាក់ចំណូលខ្ពស់នាពេលខាងមុខ៕
