ការវាយប្រហារដោយគ្រាប់បែកនៅភាគកណ្ដាល Nigeria ធ្វើឲ្យមនុស្ស ចំនួន ៤៤ នាក់ត្រូវស្លាប់ (Image: VNA) (VOVworld) – នាថ្ងៃទី ៦ កក្កដា ការវាយប្រហារដោយគ្រាប់បែកចំនួន ២ បានកើតមានឡើងនៅទីក្រុង Jos រដ្ឋ Plateau ភាគកណ្ដាល Nigeria ដែល ធ្វើឲ្យ មនុស្សចំនួន ៤៤ នាក់ត្រូវស្លាប់និងប្រមាណចំនួន ៥០ នាក់ទៀត រងបួស។ ក្រុមពួក​ឧទ្ទាមឥស្លាម Boko Haram ត្រូវបានសង្ស័យឈរនៅ ខាងក្រោយការវាយប្រហារដ៏បង្ហូរឈាមនេះ។ នាបច្ចុប្បន្ន គ្មានបុគ្គល ឬអង្គការណាមួយទទួលខុសត្រូវដំណើរការវាយប្រហារពោលខាងលើ នៅឡើយ។ ប៉ុន្តែ ទីក្រុង Jos ជានិច្ចកាលជាទិសដៅវាយប្រហាររបស់ ក្រុមពួកឧទ្ទាម Boka Haram ក្នុងរយៈពេលកន្លងទៅ៕