ខេត្តនានានៅភាគកណ្ដាលត្រៀមខ្លួនជាស្រេចទប់ទល់នឹងខ្យល់ព្យុះ Utor (vov.vn)         VOV-រដ្ឋអំណាចនិងប្រជាជនរស់នៅលើបណ្ដាកោះស្ថិតនៅភាគកណ្ដាល កំពុង​សកម្ម​ត្រៀមរៀបចំទប់ទល់នឹងសម្ភាធត្រូពិកនិងព្យុះ Utor។ ដល់ឥឡូវនេះ នាវា​ស្ទើរតែទាំងអស់របស់អ្នកនេសាទស្រុកកោះ Ly Son ខេត្ត Quang Ngai បាន ចូល​កន្លែងចត់ជៀសវាងខ្យល់ព្យុះ។ គណៈកម្មាធិការបញ្ជាបង្ការប្រឆាំងខ្យល់ ព្យុះទឹកជំនន់​ស្រុក Ly Son បានរាយការណ៍ជាមួយសមាគមប្រកបរបរនេសាទ ត្រីចលនាអ្នក​នេសាទរៀបចំទូកនាវាជៀសវាងខ្យល់ព្យុះ។ រដ្ឋអំណាចនិង ប្រជាជនលើកោះបាន​ផ្ទុក​បំរុង​ស្បៀងអាហារគ្រប់គ្រាន់ក្នុងរយៈពេល១ខែក្នុង ករណីមានភ្លៀងយូរថ្ងៃ។ លោក​​ស្រី Pham Thi Huong អនុប្រធានគណៈកម្មាធិការ ប្រជាជនស្រុកកោះ Ly Son ខេត្ត Quang Ngai បានឲ្យដឹងថា៖         “យើងខ្ញុំបានផ្ទុកបំរុងអង្ករប្រមាណ៤៥តោនរីឯថ្នាំសង្កូវក៏ត្រៀមដ៏គ្រប់គ្រាន់ ពិសេសគឺឃុំកោះ An Binh ដែលងាយត្រូវឯកោ។ អំពីវិធានការបង្កាប្រឆាំងខ្យល់​ព្យុះ​ទឹកជំនន់គឺស្រុកមានភារកិច្ចតាមដានបំរែបំរួលរបស់ព្យុះ។ ទី២គឺរក្សាការ​ទាក់ទង​ជាមួយមធ្យោបាយនេសាទត្រីលើសមុទ្រ។”         រីឯនៅឃុំកោះ Tan Hiep ទីក្រុង​ Hoi An ខេត្ត Quang Nam ទូកនាវានៅធ្វើ​ សកម្មភាពជាធម្មតា មានភ្ញៀវទេសចរណ៍ជាង១ពាន់នាក់មកទស្សនាកោះ។​ ប៉ុន្តែ រដ្ឋអំណាចនិងប្រជាជនលើកោះនៅតែតាមដានដោយប្រុងប្រយ័ត្នចំពោះបំរែបំរួល​របស់សម្ភាធត្រូពិកនិងព្យុះ Utor នៅសមុទ្រខាងកើត។ រដ្ឋអំណាចឃុំបាន​សហការ​​ជាមួយប៉ុស៌្តការពារព្រំដែន Cu Lao Cham អនុវត្តវិធានការផ្ទុកបំរង​ស្បៀង​អាហារ ជួយឧបត្ថម្ភប្រជាជនកែលំអរផ្ទះនៅបង្កាព្យុះទឹកជំនន់៕