លោកនាយករដ្ឋមន្ត្រីរុស្ស៊ីបញ្ចប់ដំណើរទស្សនកិច្ចជាផ្លូវការនៅវៀតណាមប្រកបដោយជោគជ័យ           (VOV)_នាយប់ថ្ងៃទី៧ មេសា នាយករដ្ឋមន្ត្រីរុស្ស៊ី លោក Dmitry Medvedev រួម ជាមួយគណៈប្រតិភូជាន់ខ្ពស់រុស្ស៊ី បានចាកចេញពីទីក្រុងហូជីមិញ (ភាគខាងត្បូងវៀតណាម) បញ្ចប់ដំណើរទស្សនកិច្ចជាផ្លូវការនៅវៀតណាម ចាប់ពីថ្ងៃទី៥​ ដល់ថ្ងៃទី៧មេសា។ ក្នុងរយៈពេលស្នាក់នៅវៀតណាម លោកនាយករដ្ឋមន្ត្រី​ Dmitry Medvedev​ ​បានជួបសន្ទនាជាមួយនាយករដ្ឋមន្ត្រី Nguyen Tan Dung ជួបសម្ដែង​ការ គួរសមចំពោះអគ្គលេខាបក្ស Nguyen Phu Trong ប្រធានរដ្ឋ Truong Tan Sang និង ប្រធានរដ្ឋសភា Nguyen Sinh Hung។ នៅជំនួបប្រាស្រ័យទាំងនេះ ​ភាគី​ទាំងពីរបន្ត អះអាងនូវគោលជំហរមុនក៏ដូចជាក្រោយគឺបង្កើនថែមទៀត​ទំ​នាក់​ទំនងដៃគូយុទ្ធ សាស្ត្រលើគ្រប់វិស័យ វៀតណាម-រុស្ស៊ី បំពេញផល​ប្រយោជន៍​យូរអង្វែងរបស់ប្រ ជាជននៃប្រទេសទាំងពីរ ក៏ដូចជា បន្តខំប្រឹងប្រែង​ជំរុញកិច្ចសហប្រតិបត្តិការលើ គ្រប់វិស័យ។ ភាគីទាំងពីរបានឯកភាពបន្តរក្សានិងបង្កើនការផ្លាស់ប្តូរគណៈប្រតិភូ គ្រប់ជាន់ថ្នាក់ រួមសហការយ៉ាងស្អិតរមួត និង​គាំទ្រគ្នាទៅវិញទៅមកលើឆាកអន្តរ ជាតិ។ ភាគីទាំងពីរបានឯកភាពជំរុញល្បឿនចុះហត្ថលេខាលើកិច្ចព្រមព្រៀង ពាណិជ្ជកម្មសេរី រវាងវៀតណាម និងសម្ព័ន្ធភាពសេដ្ឋកិច្ចអាស៊ី-អឺរ៉ុប ក្នុងពាក់ កណ្ដាល ដើមឆ្នាំ២០១៥ ខំប្រេងប្រែងនាំតំលៃប្រាក់​ពាណិជ្ជកម្មទ្វេភាគីឡើងដល់ ១០ពាន់លានដុល្លារអាមេរិក នាឆ្នាំ ២០២០…លៗ។ ភាគីទាំងពីរក៏បានមូលមតិ ជាឯកច័ន្ទដែរថា៖ រាល់ជំលោះនៅសមុទ្រខាងកើត ត្រូវដោះស្រាយដោយសន្តិវិធី  ដោយឈរលើគ្រឹះដ្ឋានច្បាប់អន្តរជាតិ ជាពិសេសគឺអនុសញ្ញាអង្គការ​សហប្រជា ជាតិ ស្ដីពីច្បាប់សមុទ្រ ឆ្នាំ១៩៨២ លាតត្រដាងអនុវត្តដោយគ្រប់គ្រាន់និងប្រសិទ្ធិ ភាពនូវ សេចក្ដីថ្លែងការណ៍ស្ដីពីការប្រព្រឹត្តរបស់ភាគីនានា នៅសមុទ្រ​ខាងកើត  ( DOC) និងកសាងក្រមប្រតិបត្តិនៅសមុទ្រខាងកើត ( COC) យ៉ាងឆាប់ៗ៕