គ្រូបង្វឹកលោក Mai Duc Chung ទទួលអំណោយពីលោកប្រធានរដ្ឋសភា Vuong Dinh Hue។ (រូបថត៖ sggp.org.vn)

នៅពិធីអបអរសាទរក្រុមបាល់ទាត់ជម្រើសជាតិផ្នែកនារីវៀតណាម ដែលបាន ធ្វើឡើងនាព្រឹកថ្ងៃទី១១ ខែកុម្ភៈ នៅទីក្រុងហាណូយ ប្រធានរដ្ឋសភាវៀតណាម លោក Vuong Dinh Hue បានផ្ញើរអំណោយបុណ្យតេតដល់គ្រូបង្វឹកលោក Mai Duc Chung ហើយអបអរសាទរចំពោះស្នាដៃក្រុមបាល់ទាត់នារីវៀតណាម។ មុននោះ ថ្នាក់ដឹកនាំកំពូលរបស់បក្ស រដ្ឋ និងរដ្ឋាភិបាល រួមមានលោកអគ្គលេខាបក្ស Nguyen Phu Trong លោកប្រធានរដ្ឋ Nguyen Xuan Phuc លោកនាយករដ្ឋមន្ត្រី Pham Minh Chinh បានសម្ដែងការយកចិត្តទុកដាក់និងក្ដីសប្បាយរីករាយយ៉ាងខ្លាំងចំពោះស្នាដៃ ឆ្នើមរបស់ក្រុមបាល់ទាត់នារីវៀតណាម។ ដោយមានការខិតខំប្រឹងប្រែង និងការប្តេជ្ញា ចិត្តយ៉ាងខ្លាំង គ្រូបង្វឹក Mai Duc Chung និងកូនសិស្សបានជំនះលើការលំបាកជាច្រើន ដើម្បី លើកដំបូងក្នុងប្រវត្តិសាស្ត្រឈ្នះសិទ្ធិចូលរួមការប្រកួតបាល់ទាត់ជើងឯក ពិភពលោក (World Cup) ផ្នែកនារីឆ្នាំ២០២៣៕