បច្ចេកវិទ្យាឌីជីថលជួយសហគ្រាសបង្កើនសមត្ថភាពប្រកួតប្រជែង (VNA) (VOVworld) – នាថ្ងៃទី ២ វិច្ឆិកា នៅទីក្រុងហូជីមិញ (ភាគខាងត្បូងវៀតណាម) បានប្រព្រឹត្តទៅសិក្ខសាលា «ទទួលរលកបច្ចេកវិទ្យាឌីជីថល៖ សហគ្រាសខ្នាត  តូចនិងមធ្យមវៀតណាមត្រៀមខ្លួនជាស្រេច» សំដៅជួយមជ្ឈដ្ឋានសហគ្រាស វៀតណាមឆ្លៀតឱកាសនិងប្រៀបខ្លាំងនៃបច្ចេកវិទ្យាឌីជីថលក្នុងការលើក  កំពស់សមត្ថភាពប្រកួតប្រជែងនាពេលខាងមុខ។ ថ្លែងមតិនៅទីនេះ លោក Dau Anh Tuan ប្រធានគណៈកម្មាធិការបទបញ្ញាត្តិសភាឧស្សាហពាណិជ្ជកម្ម វៀតណាម (VCCI) បានចាត់ទុកថា៖  ក្នុងការពិតជាក់ស្តែង បណ្ដាសហគ្រាស  ដែលប្រើប្រាសបច្ចេកវិទ្យាប្រកបដោយប្រសិទ្ធភាព តែងតែទាក់ទងជាមួយ ព័ត៌មានគោលនយោបាយច្បាប់ ហើយអនុវត្តបែបបទរដ្ឋបាលបានលឿនជាង និង ទទួលបានលទ្ធផលធ្វើអាជីវកម្មល្អថែមទៀត៕