បណ្ដាប្រទេសសកម្មជួយឧបត្ថម្ភស្វែងរកយន្តហោះ QZ៨៥០១ (AFP)         Vovworld-ក្នុងរាត្រីថ្ងៃទី៣០ធ្នូ សកម្មភាពស្វែងរកយន្តហោះមានផ្លាក QZ​៨៥០១ របស់ AirAsia ឥណ្ឌូនេស៊ីនៅសមុទ្រ Java ត្រូវផ្អាក់ដោយសារអាកាស​ធាតុអាក្រក់។ ប៉ុន្តែមុននោះសញ្ញានៃយន្តហោះត្រូវគ្រោះថ្នាក់ត្រូវបានកំណត់​បន្ទាប់ពីជិត៣ថ្ងៃបាត់ ខ្លួន សាកសពជនរងគ្រោះ៣នាក់ដើមដំបូងត្រូវបាន​រក​ឃើញ។         សំដៅជំរុញល្បឿនស្វែងរក ប្រទេសជាច្រើនបានប្រកាសបញ្ជូន​បន្ថែម​នាវា​និង យន្តហោះមកជួយឧបត្ថម្ភឥណ្ឌូនេស៊ី។ តាមរាយការណ៍ថ្មីបំផុតនៃ​កំលាំង​ទ័ព​​ជើងទឹក អាមេរិកថា ប្រទេសនេះនឹងបញ្ជូនបន្ថែមនាវាចម្បាំងពីមូលដ្ឋានសឹក​ទ្វីបអាស៊ីចូលរួម ដំណើការសង្កេតការនិងជួយឧបត្ថម្ភយន្តហោះត្រូវគ្រោះថ្នាក់។ សឹង្ហបុរីក៏ប្រកាសបាន បញ្ជូននាវាជួយសង្គ្រោះ MV Swift Rescue ចូលរួម​យុទ្ធនាការស្វែងរក។ ម៉ាឡេស៊ី អូស្ត្រាលីក៏អះអាងនឹងខំប្រឹងប្រែងជួយឧបត្ថម្ភ​ឥណ្ឌូនេស៊ីក្នុងការងារស្វែងរកសាកសព ជនរងគ្រោះនៅសមុទ្រ Java។         នាព្រឹកថ្ងៃទី២៨ធ្នូ យន្តហោះផ្លាក់ QZ៨៥០១ របស់ AirAsia ឥណ្ឌូនេស៊ី​ត្រូវបាត់ខ្លួន នៅសមុទ្រ Java បន្ទាប់ពី៤២នាទីចាកចេញពីព្រលានយន្តហោះ​ទីក្រុង Surabaya របស់ ឥណ្ឌូនេស៊ី។ លើយន្តហោះមានមនុស្សចំនួន​១៦២​នាក់៕