លោកស្រី Vu Thi Thu Thuy(ឆ្វេង) អនុប្រធានគណៈកម្មាធិការខេត្ត Quang Ninh ទទួលជួបសន្ទនាជាមួយប្រធានាធិបតី អ៊ីស្រាអែល លោក Reuven Ruvi Rivlin(ស្ដាំ) (រូបថត៖ baoquangninh.com.vn) (VOV)_នាព្រឹកថ្ងៃទី ២២ មិនា ក្នុងក្របខ័ណ្ឌនៃដំណើរទស្សកិច្ច​និងធ្វើការ​នៅ វៀតណាម ប្រធានាធិបតី អ៊ីស្រាអែលលោក Reuven Ruvi Rivlin និងលោកជំទាវបាន អញ្ជើញទៅខេត្ត Quang Ninh និងបានទស្សនាឈូងសមុទ្រ Ha Long ។ ប្រធានាធិបតី  អ៊ីស្រាអែលលោក Reuven Ruvi Rivlin មានសេចក្ដីសប្បាយរីករាយដោយបានអញ្ជើញ ទៅទស្សនាខេត្ត Quang Ninh ដែលជាកន្លែងមានឈូងសមុទ្រ Ha Long ដ៏ស្រស់ស្អាត និងជាបេតិកភណ្ឌ​ពិភពលោក​ផងដែរ។ ប្រធានាធិបតីក៏បានថ្លែងអំណរគុណ​ចំពោះ​ ការទទួល​ស្វាគមន៍​​ដ៏កក់ក្ដៅពីថ្នាក់ដឹកនាំខេត្ត និងថ្នាក់ដឹកនាំទីក្រុង Ha Long ។ នៅពិធីទទួល​ជួបសន្ទនាជាមួយប្រធានាធិបតី អ៊ីស្រាអែល លោក Reuven Ruvi Rivlin  លោកស្រី Vu Thi Thu Thuy អនុប្រធានគណៈកម្មាធិការខេត្ត Quang Ninh បានជូន ដំណឹង អំពីសក្ដានុពល ឧត្តមភាព​អភិវឌ្ឍន៍​សេដ្ឋកិច្ច សង្គមរបស់ខេត្ត​ជូនគណៈប្រតិភូ ផងដែរ។ នាល្ងាចថ្ងៃដដែលនេះ ប្រធានាធិបតីអ៊ីស្រាអែលនិងលោកជំទាវបាន​អញ្ជើញ​​​ទៅទីក្រុង ហូជីមិញ ដើម្បីបន្តដំណើរទស្សកិច្ច ដែលអូសបន្ថាយ​ដល់​ថ្ងៃ​ទី ២៥ មិនា ៕