ប្រធានរដ្ឋសភា លោក Vuong Dinh Hue (រូបថត៖ VOV) តបតាមការអញ្ជើញរបស់ប្រធានសហភាពអន្តរសភាពិភពលោក (IPU)  លោក Duarte Pacheco, ប្រធានក្រុមប្រឹក្សាជាតិអូទ្រីសលោក Wolfgang Sobotka, ប្រធានសភាអឺរ៉ុប (EP) លោក David Sassoli និងប្រធានសភាហ្វាំងឡង់លោក Anu Vehvilainen  នាព្រឹកថ្ងៃទី ៥ ខែកញ្ញា ប្រធានរដ្ឋសភា លោក Vuong Dinh Hue បានអញ្ជើញដឹកនាំគណៈប្រតិភូជាន់ខ្ពស់រដ្ឋសភាវៀតណាម ចាកចេញពីទីក្រុងហាណូយ ដើម្បីចូលរួមសន្និសីទនៃប្រធានរដ្ឋសភាពិភពលោកលើកទី ៥ (WCSP5) នៅប្រទេសអូទ្រីស និងបំពេញទស្សនកិច្ចការងារនៅសភាអឺរ៉ុប (EP), ព្រះរាជាណាចក្រប៊ែលហ្សិកនិងបំពេញទស្សនកិច្ចផ្លូវការនៅសាធារណរដ្ឋហ្វាំងឡង់។ ដំណើរកម្សាន្ទស្សនកិច្ចនេះ ចាប់ផ្តើមពីថ្ងៃទី ៥ ដល់ថ្ងៃទី ១១ ខែកញ្ញា ហើយនេះគឺជាដំណើរទស្សនកិច្ចនៅអឺរ៉ុបលើកដំបូងរបស់ថ្នាក់ដឹកនាំជាន់ខ្ពស់បក្សនិងរដ្ឋវៀតណាមបន្ទាប់ពីមហា សន្និបាតបក្សលើកទី ១៣ និងបន្ទាប់ពីការផ្អាករយៈពេល ២ ឆ្នាំដោយសារជំងឺរាតត្បាតកូវីដ -១៩។ ដំណើរទស្សនកិច្ចនេះ រួមចំណែកក្នុងការពង្រឹងគោលនយោបាយការបរទេសឯករាជ្យ ម្ចាស់ការ សន្តិភាព មិត្តភាព ពហុបែប ពហុភាគី និងលើកកំពស់រូបភាពនិងឋានៈរបស់ វៀតណាមនៅលើឆាកអន្តរជាតិ។ ចំណុចលេចធ្លោនៃដំណើរទស្សនកិច្ចនេះគឺសន្និសីទនៃប្រធានសភាពិភពលោកលើកទី ៥ ដែលបានប្រារព្ធឡើងនៅសាធារណរដ្ឋអូទ្រីស (ពីថ្ងៃទី ៦ ដល់៩ ខែកញ្ញា) នៅពេលដែលពិភពលោកនិងបណ្តាប្រទេសអឺរ៉ុបបានចាប់ផ្តើមស្តារឡើងវិញពីជំងឺរាតត្បាតកូវីដ -១៩។ សន្និសីទនេះមានការចូលរួមពីប្រធានរដ្ឋសភាចំនួន ១១៤ រូបនិងអនុប្រធានរដ្ឋសភាចំនួន ៣០ រូបមកពីជុំវិញពិភពលោក។ គណៈប្រតិភូរដ្ឋសភាវៀតណាមដឹកនាំដោយប្រធានរដ្ឋសភា លោក Vuong Dinh Hue នឹងចូលរួមក្នុងកិច្ចប្រជុំផ្ទាល់នៃសន្និសីទប្រធានសភាពិភពលោកលើកទី ៥។ ប្រធានរដ្ឋសភា លោក Vuong Dinh Hue នឹងថ្លែងសុន្ទរកថាសំខាន់ៗ ចំនួន៣នៅក្នុងសម័យប្រជុំពេញអង្គនិងការពិភាក្សាតាមប្រធានបទដូចជាការអភិវឌ្ឍប្រកបដោយនិរន្តរភាព ការពង្រឹងតួនាទីរបស់ពហុភាគីនិយមក្នុងកិច្ចសហប្រតិបត្តិការប្រឆាំងនឹងជំងឺកូវីដ-១៩ និងការស្តារឡើងវិញក្រោយការរាតត្បាត ការផ្លាស់ប្តូរសេដ្ឋកិច្ច ការប្រយុទ្ធប្រឆាំងនឹងការប្រែប្រួលអាកាសធាតុនិងការការពារបរិស្ថាន។ ក្នុងដំណើរទស្សនកិច្ចនេះ ប្រធានរដ្ឋសភា លោក Vuong Dinh Hue នឹងជួបប្រជុំជាមួយសហគមន៍ជនវៀតណាមនៅអឺរ៉ុប ដោយបង្ហាញពីមនោសញ្ជេតនានិងការទទួលខុសត្រូវរបស់បក្សនិងរដ្ឋក្នុងការថែរក្សាសហគមន៍តាមស្មារតីនៃសេចក្តីសន្និដ្ឋានទី ១២ របស់ការិយា ល័យនយោបាយ ស្តីពីការងារសម្រាប់ជនវៀតណាមនៅក្រៅប្រទេសក្នុងស្ថានភាពថ្មី៕