អាកាសយានដ្ឋានអន្តរជាតិម៉ៃអាមី រដ្ឋផ្លរីដា សហរដ្ឋអាមេរិក។(រូវថត៖AFP/TTXVN) ចិននៅតែរក្សាវិធានការការពារព្រំដែនយ៉ាងតឹងរ៉ឹង រួមទាំងការកាត់បន្ថយជើងហោះហើរអន្តរជាតិចូលមកប្រទេស និងអនុញ្ញាតឱ្យផ្អាកជើងហោះហើរមួយ ប្រសិនបើមានករណីឆ្លងជំងឺជាច្រើនដែលត្រូវបានកត់ត្រានៅលើជើងហោះហើរតាមបណ្តោយផ្លូវហោះហើរនោះ។ អាជ្ញាធរអាកាសចរណ៍ចិនក៏បានអនុវត្តគោលការណ៍នេះ ដើម្បីលុបចោលជើងហោះហើររបស់ក្រុមហ៊ុនអាកាសចរណ៍អាមេរិកមួយចំនួន ដូចជា American Delta និង United Airlines បន្ទាប់ពីបានរកឃើញអ្នកដំណើរដែលធ្វើដំណើរលើជើងហោះហើររបស់ក្រុមហ៊ុនអាកាសចរណ៍ទាំងនេះមានលទ្ធផលវិជ្ជមានចំពោះកូវីដ-១៩នៅពេលមកដល់ បើទោះបីជាមានលទ្ធផលអវិជ្ជមាននៅពេលចេញដំណើរក៏ដោយ។ នៅក្នុងសេចក្តីណែនាំដែលទើបបានដាក់ចេញ ក្រសួងដឹកជញ្ជូនអាមេរិកបានចាត់ទុកថា វិធានការខាងលើនេះ បានបានធ្វើឲ្យអាក់ខាននូវប្រតិបត្តិការរបស់ក្រុមហ៊ុនអាកាសចរណ៍អាមេរិក ទោះបីជាពួកគេបានធានាគ្រប់នីតិវិធីសុវត្ថិភាព នៅពេលប្រតិបត្តិជើងហោះហើរ និងជះឥទ្ធិពលដល់អ្នកដំណើរផងដែរ។ ដូច្នេះហើយ ក្រសួងបានសម្រេចចិត្ត ចាត់វិធានការឆ្លើយតបដើម្បីដោះស្រាយការខូចខាត។ តាមនោះ ជើងហោះហើរចំនួន ៤៤ ដែលដំណើរការដោយក្រុមហ៊ុនអាកាសចរណ៍ចិន រួមមាន Air China, China Eastern Airlines, China Southern Airlines និង Xiamen Airlines នឹងមិនអាចអនុវត្តកាលវិភាគដូចដែលបានគ្រោងទុក ចាប់ពីថ្ងៃទី ៣០ ខែមករា រហូតដល់ថ្ងៃទី ២៩ ខែមីនានោះទេ៕