ប្រធានសហភាពសហព័ន្ធពលករវៀតណាម លោក Nguyen Dinh Khang សាកសួរសុខទុក្ខពលការិនីម្នាក់។ (រូបថត៖ congdoanhanoi.org.vn)

នៅចំពោះមុខការវិវឌ្ឍយ៉ាងស្មុគស្មាញនៃជម្ងឺ Covid-19 គណៈប្រធាននៃសហ ភាពសហព័ន្ធពលកម្មវៀតណាម បានអំពាវនាវឲ្យប្រជាពលករជៀសវាងការធ្វើដំណើរ មិនចាំបាច់ ហើយពិចារណាយ៉ាងហ្មត់ចត់នូវការវិលត្រឡប់មទៅស្រុកកំណើតវិញដើម្បី ទទួលអំណរបុណ្យតេត។ ប្រធានសហភាពសហព័ន្ធពលករវៀតណាម លោក Nguyen Dinh Khang បានឲ្យដឹងថា រហូតមកដល់ពេលនេះ ពលករ កម្មកររាប់សែន នាក់បានសម្រេចចិត្តមិនវិលត្រឡប់ទៅស្រុកកំណើតក្នុងបុណ្យតេតឆ្នាំនេះឡើយ ជា ពិសេសគឺពលករ កម្មករនៅតំបន់ភាគខាងត្បូង។

លោក Nguyen Dinh Khang បានស្នើឲ្យអង្គការសហជីពគ្រប់ជាន់ថ្នាក់អនុវត្តឲ្យ បានល្អបំផុតនូវការងារថែទាំពលករក្នុងបុណ្យតេតឆ្នាំនេះ មិនទុកឲ្យពលករណាម្នាក់ គ្មានតេតនោះទេ។ ចំពោះអ្នកដែលស្នាក់នៅមូលដ្ឋាននៃកន្លែងធ្វើការ ស្ថាប័ននេះបាន ណែនាំសហជីពសម្របសម្រួលជាមួយអាជ្ញាធរមូលដ្ឋាន រៀបចំសកម្មភាពសួរសុខទុក្ខ ជូនអំណោយ ថែទាំជីវភាពរស់នៅទាំងខាងសម្ភារៈនិងស្មារតីសម្រាប់ពលករ ព្រមទាំង រៀបចំស្ដង់លក់ទំនិញតម្លៃសមរម្យ ផ្សារណាត់ឥតគិតថ្លៃក្នុងបុណ្យតេត និងរៀបចំ ល្បែងកំសាន្តប្រជាប្រិយ ផងដែរ៕