(VOVworld) - នាថ្ងៃទី២៤ ធ្នូ អនុរដ្ឋមន្រ្តីការបរទេសរុស្ស៊ីលោក​ Mikhail Bogdanov បានឲ្យដឹងថា ម៉ូស្គូនឹងបន្តយុទ្ធនាការវាយប្រហារតាមជើងអាកាស តម្រង់ទៅលើ មូលដ្ឋានរបស់អង្គការរដ្ឋអ៊ីស្លាមស្វ័យប្រកាស (IS) នៅស៊ីរី សូម្បីតែ នៅពេលបទ ឈប់បាញ់មួយត្រូវបានប្រកាសក៏ដោយ។ថ្លែងមតិជាមួយមជ្ឈដ្ឋានអ្នកយកព័ត៌មាន អនុរដ្ឋមន្រ្តី Bogdanov បានចាត់ទុកថា បទឈប់បាញ់នឹងបាន អនុវត្តន៍ចំពោះភាគី ជំលោះ ក្នុងសង្គ្រាមស៊ីវិលនៅស៊ីរី ប៉ុន្តែប្រការនេះមិនមានន័យថា បញ្ឈប់ការ ប្រយុទ្ធប្រឆាំងនឹង IS ក៏ដូចជាអង្គការភេរវកម្មផ្សេងៗទៀត ឡើយ។តាមលោកថា រុស្ស៊ីគប្បីឆ្លៀតយកបទឈប់បាញ់នេះដើម្បីបង្កើនការវាយ ប្រហារតាមជើង អាកាសតម្រង់ទៅលើ IS។ យន្តហោះចម្បាំងរបស់រុស្ស៊ីនៅស៊ីរី (រូបថត៖Sputnik) ក្នុងបំរ៉ែបំរួលទាក់ទិនមួយទៀត អគ្គសេនាធិការកងទ័ពរុស្ស៊ីលោក Valery Gherasimov បានឯកភាពជាមួយសមភាគីបារាំងលោក Pierre deVilliers អំពីការ ផ្លាស់ប្ដូរព័ត៌មានដើម្បីកំទិចមូលដ្ឋានរបស់អង្គការភេរវកម្ម IS នៅស៊ីរីប្រកប ដោយប្រសិទ្ធិភាព។នេះគឺជាសេចក្ដីជូនដំណឹងពីស្ថាប័ននាំពាក្យក្រសួងការពារ ជាតិរុស្ស៊ីបន្ទាប់ពីជំនួបចរចារនៅទីក្រុងម៉ូស្គូនាថ្ងៃទី២៤ ធ្នូ។ស្ថាប័ននេះក៏បាន ឲ្យដឹងថែមទៀតថា ឧត្តមសេនីយ៍ Gherasimov បានផ្ញើរជូនឧត្តមសេនីយ៍ Pierre  de Villiers នូវព័ត៌មានស្ដីពីស្ថានភាពដែលភាគីទួរគីបញ្ជូនកងទ័ពទៅកាន់តំបន់ ភាគខាងជើងស៊ីរីដើម្បីបំពេញបន្ថែមសំរាប់កម្លាំងឧទ្ទាម ក៏ដូចជាស្ថានការណ៍ លួច ប្លន់ទ្រព្យសម្បត្តិរបស់ស៊ីរីដើម្បីជួយឧបត្ថម្ភ IS និងតួនាទីរបស់អាការ៉ាក្នុង រឿងហេតុ នេះផងដែរ៕