(VOVworld) - នាថ្ងៃទី១៣ កុម្ភៈ ទីភ្នាក់ងារសារព័ត៌មានកណ្ដាលស.ប.បកូរ៉េ KCNA ឲ្យដឹងថា ប្រទេសនេះបានបាញ់សាកល្បងកាំជ្រួចមួយគ្រាប់ប្រកបដោយ ជោគជ័យមុននោះមួយថ្ងៃ។ ចំពោះមុខករណីពោលខាងលើ រដ្ឋាភិបាលកូរ៉េខាងត្បូងបានរៀបចំកិច្ចប្រជុំ បន្ទាន់ នាព្រឹកថ្ងៃទី១៣ កុម្ភៈ ដើម្បីវាយតំលៃអំពីការជះឥទ្ធិពលទៅលើវិស័យសេដ្ឋ កិច្ច ជាពិសេសគឺវាយតំលៃទីផ្សារហិរញ្ញវត្ថុអន្តរជាតិ ក្រោយពីការបាញ់សាកល្បង  កាំជ្រួចរបស់ព្យុងយ៉ាង។ ទូរទស្សន៍កូរ៉េខាងត្បូងផ្សាយព័ត៌មានស្ដីអំពីករណីបាញ់សាកល្បងកាំជ្រួចរបស់ស.ប.បកូរ៉េ នាថ្ងៃទី១២ កុម្ភៈ (រូបថត៖AFP/TTXVN) នាថ្ងៃទី១២ កុម្ភៈ សហភាពអឺរ៉ុប (EU) បានរិះគន់សកម្មភាពពោលខាងលើ របស់ ស.ប.បកូរ៉េ ដោយអះអាងថា នេះជាអំពើបង្ករឿងហេតុដោយមិនអាចទទួល យក បានឡើយ ព្រមទាំងក៏ជាការរំលោភបំពានមួយទៀតចំពោះសេចក្ដីសំរេចចិត្ត  របស់ក្រុមប្រឹក្សាសន្តិសុខអ.ស.ប។ ក្នុងពេលនោះ ទីប្រឹក្សាសេតវិមានលោក Stephen Miller អះអាងថា អាមេរិក សន្យាធានាសន្តិសុខសំរាប់សម្ព័ន្ធមិត្តនានារបស់ប្រទេសនេះនៅតំបន់ប៉ាស៊ីហ្វិក ហើយនឹងគាំទ្រក្រុមសម្ព័ន្ធមិត្តប្រឆាំងសកម្មភាពអមិត្តរបស់ស.ប.បកូរ៉េ។ នាថ្ងៃទី១២ កុម្ភៈ ទាំងគណៈបក្សកាន់អំណាចនិងគណៈបក្សប្រឆាំងនៅជប៉ុន បាន ថ្កោលទោសការបាញ់សាកល្បងកាំជ្រួចរបស់ស.ប.បកូរ៉េ។ថ្នាក់ដឹកនាំគណៈ បក្សប្រជាធិបតេយ្យសេរីកាន់អំណាចបានអំពាវនាវឲ្យរដ្ឋាភិបាលអនុវត្តន៍បទដាក់  ទណ្ឌកម្មថ្មីតម្រង់ទៅលើព្យុងយ៉ាង ដោយផ្អែកលើមូលហេតុដែលថា ករណីបាញ់  សាកល្បងកាំជ្រួចនេះគឺជាអំពើបង្ករឿងហេតុបន្ទាប់ពីជំនួបសន្ទនារវាងនាយករដ្ឋ  មន្ត្រីជប៉ុនលោក Shinzo Abe ជាមួយប្រធានាធិបតីអាមេរិកលោក Donald Trump៕