ពិធីបើកសម្ភោធន៍ការតភ្ជាប់បច្ចេកទេសរវាងបណ្ដាក្រសួងផ្នែកបំរើយន្តការច្រកទ្វាជាតិតែមួយ (VPG)         Vovworld-ពិធីបើកសម្ភោធន៍ការតភ្ជាប់បច្ចេកទេសរវាងបណ្ដាក្រសួងផ្នែកបំរើ យន្តការ​ច្រកទ្វា​ជាតិ​តែមួយបានប្រព្រឹត្តទៅនាថ្ងៃទី២៦កុម្ភៈនៅទីក្រុងហាណូយ ប្រទេសវៀតណាម។ នេះជា​ព្រឹត្តិការណ៍គូសសញ្ញាការបញ្ចប់ដំណាក់កាលទី១ អនុវត្តសេចក្តីសំរេចចិត្តរបស់នាយករដ្ឋមន្ត្រីរដ្ឋាភិបាលស្ដីអំពីការអនុវត្តពិសោធន៍ យន្តការគយច្រកទ្វាជាតិតែមួយ។ ថ្លែងមតិនៅពិធីនេះ ឧបនាយករដ្ឋមន្ត្រីវៀតណាម លោក Vu Van Ninh បានរំលឹក​ក្រសួងផ្នែកទាក់ទិននានាបន្តពិនិត្យដើម្បីកំណែទម្រង់ ងាយសម្រួលបែបបទរដ្ឋបាលដែលទាក់ទិនដល់យន្តការច្រកទ្វាជាតិតែមួយ។ ឧបនាយករដ្ឋ​មន្ត្រី​ក៏សំណូមពរក្រសួងផ្នែកសហការជិតស្និទ្ធក្នុងការកំណត់បទដ្ឋាន រួមអំពី​កសាង​មូលដ្ឋានទិន្នន័យបែបបទរដ្ឋបាលបំរើឲ្យសមាហរណកម្មដំបន់​អាស៊ាន​និងដំបន់ពាណិជ្ជកម្មសេរីជាច្រើនដែលវៀតណាមកំពុងចរចារចុះ​ហត្ថលេខា៕