វៀតណាមជានិច្ចកាលស្វាគមន៍បណ្ដាអង្គភាពអាជីវកម្ម EU (VGP)         Vovworld-នារសៀលថ្ងៃទី៧មេសានៅទីស្ដីការរដ្ឋាភិបាល នាយករដ្ឋមន្ត្រី​ វៀតណាមលោក Nguyen Tan Dung បានទទួលជួបសន្ទនាជាមួយប្រធាន​គណៈ​ កម្មាធិការពាណិជ្ជកម្មអន្តរជាតិ រដ្ឋសភាអឺរ៉ុប Bernd Lange ដែល​កំពុង​បំពេញ ​ទ​ស្សនកិច្ចនៅវៀតណាម។ ​នាយករដ្ឋមន្ត្រី Nguyen Tan Dung បានស្នើរ EU សំរេច ការអនុម័តលើកិច្ចព្រមព្រៀងក្របខ័ណ្ឌស្ដិពីកិច្ចសហប្រតិបត្តិការនិង​ដៃគូលើគ្រប់ វិស័យ (PCA) ទទួលស្គាល់វៀតណាមជាខឿនសេដ្ឋកិច្ចទីផ្សារ​យ៉ាង​ពេញលេញ ជាដើម។         លោក Nguyen Tan Dung បានស្នើរក្នុងការចរចារ FTA EU ត្រូវ​សកម្ម​ពិនិត្យ​ទៅ លើសមត្ថភាពអភិវឌ្ឍន៍នៅទាបរបស់វៀតណាម គិតគូយកចិត្តទុក​ដាក់ទៅលើផល ប្រយោជន៍សមស្របរបស់វៀតណាមចំពោះមុខទំនិញកសិផលជលផលស្បែកជើង ជាដើម។ លោក Nguyen Tan Dung បានអះអាងនូវ​កិច្ច​សន្យាថា វៀតណាមជានិច្ចកាល ស្វាគមន៍និងបង្កលក្ខណៈងាយស្រួលសំរាប់​អង្គភាព​អាជីវកម្ម EU មកវិនិយោគ អាជីវកម្មយូរអង្វែងនិងជោគជ័យនៅ​វៀតណាម។         រីឯលោក Bernd Lange បានអះអាងថា EU ជានិច្ចកាលគោរពការជំរុញ​ទំនាក់ ទំនងសហប្រតិបត្តិការជាមួយវៀតណាម ហេតុនេះហើយគណៈ​កម្មាធិការ​ពាណិជ្ជកម្ម អន្តរជាតិសភាអឺរ៉ុបនឹងយកចិត្តទុកដាក់ទៅលើសំណើរ​របស់វៀតណាម ក្នុងនោះមាន ការពិនិត្យទទួលស្គាល់យន្តការសេដ្ឋកិច្ចទីផ្សារ​ពេញលេញសំរាប់វៀតណាមក៏ដូចជា អនុម័តទៅលើ PCA។ ​លោកក៏បាន​ជឿជាក់​ថា FTA រវាង EU និងវៀតណាមនឹងបាន ចុះហត្ថលេខាពីព្រោះថា នេះ​ជា​កិច្ច​ព្រមព្រៀងលើគ្រប់វិស័យនាំមកនូវផលប្រយោជន៍ ដ៏ធំធេងសំរាប់ភាគី​ទាំង​ពីរនិងជាមូលដ្ឋានដើម្បី EU និងវៀតណាមសហប្រតិបត្តិការ ស៊ីជម្រៅនិង​ប្រសិទ្ធភាព៕