មជ្ឈមណ្ឌលសកម្មភាពវប្បធម៌វិទ្យាសាស្ត្រ Van Mieu – Quoc Tu Giam កំពុងរៀបចំកម្មវិធីសកម្មភាពវប្បធម៌វិស្សមកាលឆ្នាំ២០១៩សម្រាប់យុវជន ជំទង់និងកុមារនៅរដ្ឋធានីហាណូយនិងតំបន់ជុំវិញនានា។ “តាមរយៈសកម្មភាព វប្បធម៌នេះ យើងខ្ញុំមានគោលបំណង់ថា ក្មួយៗនឹងស្វែងយល់និងស្រឡាញ់តម្លៃ វប្បធម៌ប្រពៃណីជាតិថែមទៀត។ ទន្ទឹមនឹងនោះ រាល់សកម្មភាពទាំងនេះក៏រួម ចំណែកបំប៉ន់បំណិនជីវិត លក្ខណៈបុគ្គលក៏ដូចជាអភិវឌ្ឍន៍បញ្ញារបស់ក្មួយៗ ទៀតផង” - លោក Le Xuan Kieu នាយកមជ្ឈមណ្ឌល Van Mieu – Quoc Tu Giam បានអោយដឹងយ៉ាងដូច្នេះ។  លោក Le Xuan Kieu នាយកមជ្ឈមណ្ឌល Van Mieu – Quoc Tu Giam         សកម្មភាពនេះនឹងប្រព្រឹត្តទៅក្នុងវិស្សមកាលចាប់ពីថ្ងៃទី១ខែមិថុនាដល់ថ្ងៃទី២៥ ខែសីហា។         គណៈចាត់តាំងមានគោលបំណងថា កម្មវិធីនេះមិនត្រឹមតែជាទីលានលេង កំសាន្ត មានអត្ថប្រយោជន៍សម្រាប់ប្រជាពលរដ្ឋនៃរដ្ឋធានីនិងភ្ញៀវទេសចរប៉ុណ្ណោះទេថែមទាំងជាជំរុំវិស្សមកាលមួយដែលជួយអោយប្អូនៗកុមារមាន ឱកាសស្វែងយល់បន្ថែមអំពីតម្លៃវប្បធម៌ ផលិតផលនៅតាមភូមិរបរប្រពៃណី និងល្បែងកំសាន្តប្រជាប្រិយនានាផងដែរ។         ក្នុងកម្មវិធីឆ្នាំនេះ ប្អូនៗសិស្សានុសិស្សនឹងមានឱកាសជួបប្រាស្រ័យជាមួយ អ្នកសរសេរអក្សរខ្យល់តាមបែបគូរអក្សរ ទៀតផង។ “ខ្ញុំសប្បាយយ៉ាងក្រៃលែង ដោយបានឧទ្ទេសនាមជាមួយប្រជាពលរដ្ឋនៃរដ្ឋធានីនិងក្មួយៗសិស្សានុសិស្ស អំពីប្រភេទអក្សរខ្យល់តាមបែបគូរអក្សរ។ ខុសពីប្រភេទអក្សរខ្យល់ វៀតណាម ផ្សេងៗទៀត ប្រភេទអក្សរខ្យល់តាមបែបគូរអក្សរនេះមានការគូរផងហើយការ សរសេរផង។ ប្រការនេះនឹងបំផុសគំនិតអោយអ្នកសរសេរអក្សរនិងអ្នកទទួល អក្សរដូចគ្នា” - លោក Nguyen Manh Tu មកពីក្លឹបអក្សរខ្យល់ But Nam Hon Viet បានចែករំលែកយ៉ាងដូច្នេះ។  ប្អូនៗកុមារត្រូវបានបង្រៀនអោយចេះធ្វើខ្លែងនិងតុបតែងខ្លែងដោយខ្លួនឯងទៀតផង