(VOVWORLD) -ວັນທີ 6 ກັນຍາ, ຢູ່ ນະຄອນ Leticia ປະເທດ ໂຄລົມເບຍ ໄດ້ດຳເນີນກອງປະຊຸມສຸດຍອດຂອງບັນດາປະເທດມີປ່າ Amazon ເພື່ອປຶກສາຫາລືນະໂຍບາຍລວມກ່ຽວກັບການປົກປັກຮັກສາສິ່ງແວດລ້ອມ ແລະ ຂຸດຄົ້ນປ່າແບບຍືນຍົງໃນພາກພື້ນ. ເຫດການນີ້ ດຳເນີນໃນສະພາບການທີ່ສອງສາມອາທິດຜ່ານມາ ເຂດປ່າ Amazon ຖືກໄຟໄຫມ້ຢ່າງຮ້າຍແຮງກວ່າໝູ່ໃນຫລາຍປີຜ່ານມາ. ໄພພິບັດນີ້ໄດ້ຮັບຖືວ່າ ແມ່ນຜົນກະທົບຢ່າງແຮງຕໍ່ການຕໍ່ສູ້ຕ້ານການປ່ຽນແປງຂອງດິນຟ້າອາກາດໃນທົ່ວໂລກ. ແລະ ປະຈຸບັນ ເລື່ອງໄຟໄຫມ້ປ່າ Amazon ບໍ່ແມ່ນເລື່ອງສະເພາະຂອງແຕ່ລະປະເທດອີກ.

(VOVWORLD) -ສະໄໝຍັງມີຊີວິດຢູ່, ປະທານໂຮ່ຈີມິນ ຍາມໃດກໍເອົາໃຈໃສ່ເປັນພິເສດເຖິງ ບັນຫາກໍ່ສ້າງ, ປັບປຸງພັກ ເພື່ອແນໃສ່ເຮັດໃຫ້ພັກກາຍເປັນພັກກໍາອໍານາດທີ່ປອດໃສ, ໝັ້ນຄົງເຂັ້ມແຂງຢ່າງແທ້ຈິງ. ນີ້ກໍແມ່ນໜຶ່ງໃນບັນດາແນວຄິດຈິງໃຈທີ່ສຸດຂອງເພິ່ນທີ່ໄດ້ສະແດງອອກໃນພິໄນກໍາອັນສັກກະລະບູຊາ ເຊິ່ງເພິ່ນໄດ້ສ້າງໄວ້ໃຫ້ທົ່ວພັກ, ທົ່ວກອງທັບ ແລະ ທົ່ວປວງຊົນຫວຽດນາມ.  50 ປີ ຜ່ານມາ, ຄໍາພິໄນກໍາຂອງປະທານໂຮ່ຈີມິນບໍ່ພຽງແຕ່ແມ່ນເອກະສານປະຫວັດສາດທີ່ລໍ້າຄ່າເທົ່ານັ້ນ ຫາກຍັງມີລັກສະນະກໍານົດທິດ, ຄໍາແນະນໍາທີ່ເລິກເຊິ່ງ ແລະ ເປີດແນວທາງອັນຖືກຕ້ອງໃຫ້ແກ່ພັກກອມມູນິດ ຫວຽດນາມ ໃນວຽກງານກໍ່ສ້າງ, ປັບປຸງພັກໃນໄລຍະປັດຈຸບັນ ແລະ ໃນພາຍພາກໜ້າ.

(VOVWORLD) -ປີນີ້ ຫວຽດນາມ ສະເຫລີມສະຫລອງ 50 ປີແຫ່ງວັນປະຕິບັດຄຳພິໄນກຳຂອງປະທານ ໂຮ່ຈິມີນ. ໃນບົດພິໄນກຳ, ເພີ່ນ ໄດ້ເນັ້ນຫນັກຢ່າງແຮງວ່າ ພັກ ຕ້ອງມີແຜນນະໂຍບາຍ, ນະໂຍບາຍ, ແຜນການໃຫ້ດີ ເພື່ອດູແລຊີວິດການເປັນຢູ່ຂອງປະຊາຊົນ. ແນວຄິດນີ້ ເພີ່ນໄດ້ສະແດງໃຫ້ເຫັນນັບແຕ່ຊຸມມື້ທຳອິດເຂົ້າຮ່ວມການປະຕິວັດ ແລະ ແມ່ນພື້ນຖານໃຫ້ແກ່ບັນດານະໂຍບາຍກ່ຽວກັບແຮງງງານ ແລະ  ຮັບປະກັນຊີວິດສັງຄົມ ຂອງລັດຖະບານ ຫວຽດນາມ ຜ່ານແຕ່ລະໄລຍະ. ປະຈຸບັນ ແນວຄິດ ໂຮ່ຈິມີນ ກ່ຽວກັບແຮງງງານ ແລະ ຮັບປະກັນຊີວິດສັງຄົມ ສືບຕໍ່ໄດ້ສືບທອດ ແລະ ເສີມຂະຫຍາຍ ຍ້ອນແນວຄິດນັ້ນ ຍັງຄົງມີລັກສະນະຍຸກສະໄຫມຢ່າງເລິກເຊິ່ງ.