(VOVWORLD) -ການຫັນລັດວິສາຫະກິດເປັນຫຸ້ນສ່ວນ ແມ່ນໜຶ່ງໃນບັນດາວິທີການແກ້ໄຂສໍາຄັນ ເພື່ອສ້າງໂຄງປະກອບລັດວິສາຫະກິດຄືນໃໝ່, ຈຸດສຸມແມ່ນກຸ່ມບໍລິສັດເສດຖະກິດ ແລະ ບໍລິສັດໃຫຍ່ຂອງລັດ ໄລຍະ 2016 – 2020. ເມື່ອເປັນເຊັ່ນນັ້ນນັ້ນກໍຕາມ, ວິວັດການຫັນລັດວິສາຫະກິດເປັນຫຸ້ນສ່ວນຍັງບໍ່ທັນບັນລຸໄດ້ຕາມຄວາມຄາດຫວັງ. ສະນັ້ນ, ຕ້ອງການມີບັນດາວິທີການແກ້ໄຂຢ່າງແທດຈິງ ແລະ ທັນການ ຈຶ່ງສາມາດບັນລຸໄດ້ຄວາມຄືບໜ້າທີ່ວາງອອກ. ວັນທີ 21 ພະຈິກ ຜ່ານມາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເປັນປະທານກອງປະຊຸມ ເພື່ອຊຸກຍູ້ການເຄື່ອນໄຫວຫັນລັດວິສາຫະກິດເປັນຫຸ້ນສ່ວນໃນໄລຍະຈະມາເຖິງ.

(VOVWORLD) -ໃນຊຸມວັນມໍ່ໆມານີ້, ບາງປະເທດປະກາດຢ່າງຕໍ່ເນື່ອງຈະປະຕິເສດ ສົນທິສັນຍາທົ່ວໂລກ ກ່ຽວກັບບັນຫາຊາວອົບພະຍົບຂອງ ສະຫະປະຊາຊາດ ແລະ ກໍຈະບໍ່ເຂົ້າຮ່ວມກອງປະຊຸມຂອງ ສະຫະປະຊາຊາດ ກ່ຽວກັບການປ່ອນບັດຮັບຮອງເອົາສົນທິສັນຍາດັ່ງກ່າວ ໃນກາງເດືອນ ທັນວາ ຈະມາເຖິງ, ຢູ່ ມາຣົກ. ເລື່ອງປະຕິເສດສົນທິສັນຍາທີ່ໄດ້ບັນດາປະເທດໄດ້ເຫັນດີ ໃນເດືອນ ກໍລະກົດ 2018 ເໝືອນດັ່ງການກະທໍາທີ່່ທໍາລາຍບັນດາຄວາມມານະພະຍາຍາມໃນການແກ້ໄຂບັນຫາຊາວອົບພະຍົບຂອງອົງການຈັດຕັ້ງຫຼາຍຝ່າຍ ໃຫຍ່ທີ່ສຸດໃນໂລກນີ້. ສິ່ງດັ່ງກ່າວ ກໍສະແດງໃຫ້ເຫັນຄວາມສັບສົນ ກໍຄື ບັນດາຄວາມຫຍຸ້ງຍາກໃນການແກ້ໄຂບັນຫາຊາວອົບພະຍົບໃນທົ່ວໂລກ.

(VOVWORLD) -ຫວຽດນາມ ຫາກໍກາຍເປັນປະເທດ ທີ 7 ທີ່ໃຫ້ສັດຕະຍາບັນ ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP). ເມື່ອສັນຍາສະບັບດັ່ງກ່າວ ມີຜົນສັກສິດໃນທ້າຍປີນີ້ ຈະເປີດກາລະໂອກາດໃໝ່ຫຼາຍຢ່າງໃຫ້ແກ່ຫວຽດນາມ, ແຕ່ກໍຈະວາງອອກສິ່ງທ້າທາຍບໍ່ແມ່ນໜ້ອຍ, ໃນນັ້ນ ຕ້ອງນັບທັງຂົງເຂດວຽກເຮັດງານທໍາ, ຕະຫຼາດແຮງງານ ແລະ ການພົວພັນໃນການອອກແຮງງານ.

(VOVWORLD) -ວັນທີ 08 ພະຈິກ, ທ່ານ  Miguel Mario Diaz Canel Bermudez  ປະທານສະພາແຫ່ງລັດ ແລະ ສະພາລັດຖະມົນຕີ ກູບາ ໄດ້ເລີ່ມຕົ້ນການຢ້ຽມຢາມຫວຽດນາມ ຢ່າງເປັນທາງການ. ໃນສະພາບທີ່ສາຍພົວພັນລະຫວ່າງສອງປະເທດພວມພັດທະນາດີງາມຢ່າງບໍ່ຢຸດຢັ້ງ, ການຢ້ຽມຢາມຂອງຜູ້ນໍາແຫ່ງລັດ ກູບາ ໄດ້ປະກອບສ່ວນເຂົ້າໃນການຮັດແໜ້ນການພົວພັນ ສາມັກຄີອ້າຍນ້ອງ, ບໍລິສຸດຜຸດຜ່ອງ, ເປັນແບບຢ່າງ, ສັດຊື່ບໍລິສຸດ, ໄວ້ເນື້ອເຊື່ອໃຈ ແລະ ຮ່ວມມືຮອບດ້ານລະຫວ່າງຫວຽດນາມ - ກູບາ.