(VOVWORLD) -ວາລະປະຊຸມຂັ້ນສູງຂອງກອງປະຊຸມສະມັດຊາໃຫຍ່ ສປຊ ພວມດຳເນີນຢູ່ ສຳນັກງານຂອງ ສປຊ ທີ່ ນີວຢອກ ສະຫະລັດ ອາເມລິກາ ໃນວັນທີ 25 ກັນຍາ ຫາວັນທີ 1 ຕຸລາ, ໂດຍມີການເຂົ້າຮ່ວມຂອງ ປະມຸກລັດ 81 ທ່ານ, ການນຳລັດຖະບານ 51 ທ່ານ ແລະ ລັດຖະມົນຕີບັນດາປະເທດ 47 ທ່ານ. ໃນສະພາບການຂອງໂລກພວມຜັນແປໄປຢ່າງສັບສົນນັ້ນ, ການວາງຄາດໝາຍຫຍັບມໍ່ໃກ້ກັບປະຊາຊົນກວ່າ ເພື່ອສັນຕິພາບ, ຄວາມສະເຫມີພາບ ແລະ ພັດທະນາແບບຍືນຍົງ, ສປຊ ພວມສືບຕໍ່ສະແດງໃຫ້ເຫັນບົດບາດແມ່ນພື້ນຖານທີ່ຂາດບໍ່ໄດ້ສຳລັບພື້ນຖານສັນຕິພາບຢ່າງໝັ້ນຄົງ, ຍຸຕິທຳ ແລະ ວັດທະນາຖາວອນໃນໂລກ.

(VOVWORLD) - ເກືອບ  1 ເດືອນ ພາຍຫຼັງໄດ້ຮັບການສ້າງຕັ້ງ, ວັນທີ 20 ກັນຍາ,  ຄະນະກໍາມະການແຫ່ງຊາດ ກ່ຽວກັບລັດຖະບານເອເລັກໂຕນິກ ໄດ້ຈັດກອງປະຊຸມຄັ້ງປະຖົມມະເລີກ ພາຍໃຕ້ການເປັນປະທານຂອງ ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ. ບັນດາພາລະໜ້າທີ່ໄດ້ວາງອອກ ເຊິ່ງໄດ້ສະແດງໃຫ້ເຫັນຄວາມຕັດສິນໃຈຍູ້ແຮງວິວັດການກໍ່ສ້າງລັດຖະບານເອເລັກໂຕນິກຢູ່ຫວຽດນາມ ເພາະວ່າ ນີ້ແມ່ນທ່າອ່ຽງຈໍາເປັນ ເພື່ອມີພື້ນຖານການບໍລິຫານສາທາລະນະທີ່ມີປະສິດທິຜົນ, ຮັບໃຊ້ປະຊາຊົນໄດ້ດີກວ່າ ກໍຄືປະກອບສ່ວນປັບປຸງສະພາບແວດລ້ອມແຫ່ງການລົງທຶນ, ດໍາເນີນທຸລະກິດຂອງຫວຽດນາມ.

(VOVWORLD) -ວັນທີ 21 ກັນຍາ ແມ່ນວັນສະເຫຼີມສະຫຼອງການສ້າງຕັ້ງການພົວພັນທາງການທູດ ຫວຽດນາມ - ຍີ່່ປຸ່ນ ຢ່າງເປັນທາງການ ຄົບຮອບ 45 ປີ. 45 ປີຜ່ານມາ, ຫວຽດນາມ  ແລະ ຍີ່ປຸ່ນ ນັບມື້ນັບກາຍເປັນຄູ່ຮ່ວມມືສໍາຄັນຂອງກັນໃນຫຼາຍຂົງເຂດ. ພິເສດ, ນັບແຕ່ເມື່ອສອງປະເທດໄດ້ຍົກລະດັບການພົວພັນຂຶ້ນເປັນ “ຄູ່ຮ່ວມມືຍຸດທະສາດເລິກເຊິ່ງກວ້າງຂວາງ ເພື່ອສັນຕິພາບ ແລະ ວັດທະນາຖາວອນຢູ່ພາກພື້ນ ອາຊີ” ເມື່ອເດືອນ ມີນາ 2014, ໄດ້ເຮັດໃຫ້ການພົວພັນລະຫວ່າງຫວຽດນາມ - ຍີ່ປຸ່ນ ມີບາດກ້າວພັດທະນາຢ່າງແຮງ, ຮອບດ້ານ ແລະ ແທດຈິງ.