ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ ເລ​ຫາຍ​ບີງ (vovworld)- ຕອບ​ຄຳ​ຖາມ​ຂອງ​ນັກ​ຂ່າວ​ທີ່​ສະ​ເໜີ​ໃຫ້​ຮູ້​ກ່ຽວ​ກັບ​ປະ​ຕິ​ກິ​ລີ​ຍາ​ຂອງ​ຫວຽດ​ນາມ​ຕໍ່​ໜ້າ​ຂ່າວ​ຄາວ​ຂອງ​ສຳ​ນັກ​ຂ່າວ​ສານ​ຕ່າງ​ປະ​ເທດ​ບາງ​ແຫ່ງ ທີ່​ກ່ຽວ​ຂ້ອງ​ເຖິງ​ເລື່ອງ​ຈີນ​ໃຫ້​ກໍ່​ສ້າງ​ຖານ​ທີ່​ໝັ້ນ​ເຮືອ​ບິນທະ​ຫານ​ ເອ​ລີ​ກອບ​ເຕີຢູ່​ເກາະ ກວາງ​ຮ່​ວາ ແລະ ຈັດ​ສົ່ງ​ລູກ​ສອນ​ໄຟ​ໜ້າ​ດິນ​ຍິງ​ສູ່​ອາ​ກາດ HQ-9 ໄປ​ຍັງ​ເກາະ​ຟູ້​ເລີມ​ທີ່​ຂຶ້ນ​ກັບ​ໝ​ູ່​ເກາະ​ຮ່​ວາງ​ຊາ​ຂອງ​ຫວຽດ​ນາມ​ເມື່ອ​ວັນ​ທີ 19/2/2016. ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ ເລ​ຫາຍ​ບີງ ເນັ້ນ​ໜັກ​ວ່າ :      “ ຫວຽດ​ນາມ​ມີ​ຄວາມ​ເປັນ​ຫ່ວງ​ກັງ​ວົນ​ທີ່​ສຸດ​ຕໍ່​ບັນ​ດາ​ການ​ກະ​ທ​ຳ​ຂອງ​ຈີນ, ຊຶ່ງ​ເປັນ​ການ​ກະ​ທຳ​ລ່ວງ​ລ້ຳ​ອະ​ທິ​ປະ​ໄຕ​ຂອງ​ຫວຽດ​ນາມ​ທີ່​ມີ​ຕໍ່​ໝ​ູ່​ເກາະ​ຮ່​ວາງ​ຊາ, ນາບ​ຂູ່​ສັນ​ຕິ​ພາບ ແລະ ສະ​ຖຽນ​ລະ​ພາບ​ໃນ​ພາກ​ພື້ນ​ກໍ​ຄື​ຄວາມ​ໝັ້ນ​ຄົງ, ປອດ​ໄພ, ເສ​ລີ​ພາບ​ໃນ​ການ​ເດີນ​ເຮືອ, ການ​ບິນ​ຢູ່​ທະ​ເລ​ຕາ​ເວັນ​ອອກ. ຫວຽດ​ນາມ​ຮຽກ​ຮ້ອງ​ໃຫ້​ຈີນ​ຈົ່ງ​ຢຸດ​ຕິ​ບັນ​ດາ​ການ​ກະ​ທຳ​ຜິດ​ພາດ​ດັ່ງ​ກ່າວ​ໃນ​ທັນ​ທີ່ ”