ຮາກຖານການຜະລິດ ຈີ່ແກັງ                       ໄມ້ໄຜ່ແມ່ນຕົ້ນໄມ້ທີ່ລຶ້ງເຄີຍກັບ ປຊຊ ຫວຽດນາມ, ຕິດພັນກັບເຂດບ້ານນາຫວຽດນາມ ມາແດ່ດົນນານ. ຜະລິດຕະພັນຈາກໄມ້ໄຜ່ມີຄວາມທົນທານສູງກ່ວາ ເມື່ອທຽບກັບຜະລິດຕະພັນໄມ້ທຳມະດາ, ລາຄາພັດຖືກກ່ວາ. ຕົ້ນໄມ້ໄຜ່ປູກງ່າຍ ແລະ ໄດ້ໃຊ້ເພື່ອເຮັດບັນດາເຄື່ອງໃຊ້ສອຍໃນຄອບຄົວ. ຕາແສງ ຮ່າມອຽນ ໄດ້ປູກຕົ້ນໄມ້ໄຜ່ຢ່າງຫຼວງຫຼາຍ, ດັ່ງນັ້ນຈຶ່ງມີວັດຖຸດິບອຸດົມສົບບູນ ເພື່ອສະໜອງໃຫ້ບັນດາຄອບຄົວເຮັດອາຊີບນີ້ຢ່າງພຽງພໍ. ອ້າຍ ຈີ່ແກັງ, ເຈົ້າຂອງຮາກຖານການຜະລິດ ຈີ່ແກັງ     ຕອນທຳອິດ, ຮາກຖານຜະລິດ ຈີ່ແກັງ ໄດ້ຜະລິດບັນດາເຄື່ອງໃຊ້ໃນຄອບຄົວຄື: ຕູ້, ໂຕະ, ຕັ່ງ…ທີ່ມີແບບງ່າຍໆ ຈາກຕົ້ນໄມ້ໄຜ່ ແຕ່ກໍ່ບໍ່ທັນຈຳໜ່າຍໄດ້ຫຼາຍ, ສ່ວນຫຼາຍແມ່ນຂາຍຢູ່ທ້ອງຖິ່ນເທົ່ານັ້ນ. ແຕ່ເມື່ອໄດ້ຊອກຮູ້ຄວາມນິຍົມຂອງຕະຫຼາດ, ຮັບຟັງການໃຫ້ຄຳປຶກສາທີ່ບັນດາກອງປະຊຸມສຳມະນາ, ເຂົ້າຮ່ວມງານຕະຫຼາດນັດຄັ້ງຕ່າງໆເພື່ອໂຄສະນາຜະລິດຕະພັນນັ້ນ, ອ້າຍຈີ່ແກັງ ແລະ ບັນດານາຍຊ່າງ ໄດ້ຜະລິດຜະລິດຕະພັນຊາລົງທີ່ມີຄຸນນະພາບສູງຈາກກົກໄມ້ໄຜ່. ຄວາມຄິດທີ່ມີຫົວຄິດປະດິດສ້າງນີ້ ແມ່ນບາດລ້ຽວເພື່ອໃຫ້ຮາກຖານຜະລິດ ຈີ່ແກັງ ພັດທະນາ. ຊຸດຊາລົງ ຈາກກົກໄມ້ໄຜ່ ມີຄວາມແໜ້ນທີ່ສຸດ, ເຫຼື້ອມ, ງາມ, ແບບຊົງພິເສດ, ສະນັ້ນ, ຜະລິດຕະພັນນີ້ຂາຍໄດ້ດີທີ່ສຸດ. ອ້າຍ ຈີ່ແກັງ, ເຈົ້າຂອງຮາກຖານຜະລິດ ຈີ່ແກັງ ໃຫ້ຮູ້ວ່າ:         ຜະລິດຕະພັ ນຊາລົງ ບັນລຸມາດຕະຖານ OCOP 4 ດາວ ( OCOP ແມ່ນໂຄງການແຫ່ງຊາດ ໜຶ່ງ ຕາແສງໜຶ່ງຜະລິດຕະພັນ). ກ່ອນນີ້, ຄອບຄົວກໍ່ມີມູນເຊື້ອ ອາຊີບນີ້, ແລ້ວ ສືບ ລຸ້ນ ພໍ່ຕໍ່ລຸ້ນອ້າຍ. ປະຈຸບັນ, ຈີ່ແກັງ ໄດ້ຜະລິດຕາມໃບສັ່ງຊື້ສິນຄ້າເພື່ອຂາຍຢູ່ພາຍໃນ ແລະ ຕ່າງປະເທດ. ໃນໝູ່ບ້ານວີຊາຊີບມີບາງຄອບຄົວຜະລິດແບບຫັດຖະກຳໃຫ້ຮາກຖານການຜະລິດ ຈີ ່ ແກັງ. ລາຍຮັບຂອງຮາກຖານແມ່ນໄດ້ປະມານ 800 ລ້ານດົ່ງ/ເດືອນ. ສ່ວນຫຼາຍແມ່ນໄດ້ຜະລິດໂ ຕະ ຕັ່ງ, ລົ ດຖີບ… ດ້ວຍໄມ້ໄຜ່. ພວກຂ້າພະເຈົ້າຍັງອອກແບບໃຫ້ແກ່ບັນດາເຂດທ່ອງທ່ຽວ, homestay… ແລະ ບາງໂຄງການໃຫ່ຍຢູ່ເຂດເກາະຝູກວັກ, ນະຄອນໂຮ່ຈີມິນ, ນະຄອນຟານທຽດ… ອີກດ້ວຍ. ຊຸດຊາ ລົງ ເຮັດດ້ວຍໄມ້ໄຜ່, ຜະລິດຕະພັນ 4 ດາວ     ຍາມໃດ,   ເຈົ້າຂອງຮາກຖານການຜະລິດ ຈີ່ແກັງ ພ້ອມກັບບັນດານາຍຊ່າງ ກໍໄດ້ຊອກຮູ້, ລິເລີ່ມ, ປະຕິຮູບຜະລິດຕະພັນ, ຜະລິດບັນດາຜະລິດຕະພັນຈາກໄມ້ໄຜ່ທີ່ມີຮູບແບບອຸດົມສົມບູນ, ມີຫຼາຍຮູບຫຼາຍສີ. ປະຈຸບັນ, ຮາກຖານການຜະລິດ ຈີ່ແກັງ ມີ 20 ກ່ວາແບບຜະລິດຕະພັນທີ່ໄດ້ຜະລິດຈາກໄມ້ໄຜ່, ໃນນັ້ນ, ຫຼາຍຜະລິດຕະພັນມີຄຸນນະພາບສູງຮັບໃຊ້ໃຫ້ແກ່ຄວາມຕ້ອງການຂອງບັນດາຄອບຄົວ, ເຂດທ່ອງທ່ຽວທຳມະຊາດ, ເຂດຣີສອດ, ຮ້ານອາຫານ, ຮ້ານກາເຟ…. ຮາກຖານການຜະລິດ ຈີ່ແກັງ ໄດ້ສົ່ງອອກຜະລິດຕະພັນໄປຍັງຕະຫຼາດຫຼາຍປະເທດ, ພິເສດ, ຊຸດຊາລົງໄມ້ໄຜ່ ຈີ່ແກັງ ໄດ້ສ້າງອິດທິພົນຊື່ງສຽງ, ເຄື່ອງໝາຍການຄ້າໃຫ້ແກ່ໝູ່ບ້ານອາຊີບນີ້. ນອກຈາກນັ້ນແລ້ວ, ລົດຖີບທີ່ຜະລິດດ້ວຍໄມ້ໄຜ່ຂອງ ຈີ່ແກັງ ກໍ່ໄດ້ຮັບຄວາມນິຍົມຊົມຊອບຈາກຕະຫຼາດ, ໂດຍສະເພາະແມ່ນແຂກທ່ອງທ່ຽວ ແລະ ກໍ່ໄດ້ສົ່ງອອກໄປຂາຍຢູ່ຕ່າງປະເທດ. ຍ້ອນການຜະລິດດຳເນີນທຸລະກິດນັບມື້ນັບໄດ້ຮັບການພັດທະນາ, ຮາກຖານການຜະລິດ ຈີ່ແກັງ ໄດ້ສ້າງວຽກເຮັດງານທຳໃຫ້ແກ່ແຮງງານທ້ອງຖິ່ນຫຼາຍຄົນ. ປະຈຸບັນ, ຮາກຖານການຜະລິດ ຈີ່ແກັງ ມີແຮງງານ 42 ຄົນ, ມີລາຍຮັບແຕ່ 6-9 ລ້ານດົ່ງ/ເດືອນ. ອ້າຍ ເຈົາກວັກວັນ, ນາຍຊ່າງເອກ ເຮັດວຽກຢູ່ ຮາກຖານການຜະລິດ ຈີ່ແກັງ ໃຫ້ຮູ້ວ່າ:     ຂ້າພະເຈົ້າເຮັດວຽກຢູ່ນີ້ໄດ້ 10 ກ່ວາປີແລ້ວ. ປະຈຸບັນມີນາຍຊ່າງເອກ 3 ຄົນ, ມີລາຍຮັບ 9 ລ້ານດົ່ງ/ເດືອນ, ແຕ່ລະຄົນຈະມີ ໜ້າ ວຽກທີ່ແຕກຕ່າງກັນ ຜະລິດຕະພັນກໍ່ມີຫຼາກຫຼາຍຕາມລູກຄ້າໄດ້ສັ່ງຊື້ .    ໂດຍໄດ້ນຳໜ້າຢູ່ທ້ອງຖິ່ນ ກ່ຽວກັບການປ່ຽນແປງຮູບແບບຜະລິດຕະພັນນັ້ນ, ຮາກຖານການຜະລິດ ຈີ່ແກັງ ພວມເປີດກ້ວາງການດຳເນີນທຸລະກິດ, ຮັບອອກແບບ, ປະດັບປະດາໃຫ້ແກ່ບັນດາຮ້ານອາຫານ, ນ້າກິນດື່ມ, ຮ້ານກາເຟ…ຢູ່ຫຼາຍແຂວງນະຄອນທາງພາກໃຕ້ຫວຽດນາມ. ຜະລິດຕະພັນໂດຍ ຮາກຖານການຜະລິດ ຈີ່ແກັງ ຜະລິດ ໄດ້ພິຊິດໃຈລູກຄ້າທັງຢູ່ພາຍໃນ ແລະ ຕ່າງປະເທດ ພ້ອມທັງປະກອບສ່ວນອະນຸລັກຮັກສາ, ເສີມຂະຫຍາຍໝູ່ບ້ານອາຊີບຫັດຖະກຳ ອຸດສາຫະກຳນ້ອຍຕາແສງ ຮ່າມຢາງ./.