(VOVWORLD) -ສືບຕໍ່ເລື່ອງເຂົ້າເປັນສະມາຊິກອົງການການຄ້າໂລກ (WTO) ເມື່ອປີ 2007, ໃນຊຸມປີມໍ່ໆມານີ້ ຫວຽດນາມ ໄດ້ເຊັນສັນຍາການຄ້າສຳຄັນຫລາຍສະບັບກັບບັນດາຄູ່ຮ່ວມມືເສດຖະກິດໃຫຍ່, ພົ້ນເດັ່ນແມ່ນສັນຍາຄູ່ຮ່ວມມືຮອບດ້ານ ແລະ ກ້າວຫນ້າຂ້າມ ປາຊີຟິກ (CPTPP) ແລະ ສັນຍາການຄ້າເສລີ ຫວຽດນາມ - ສະຫະພາບເອີລົບ (EVFTA), ເປີດກາລະໂອກາດທີ່ດີໃຫ້ຊາວກະສິກອນສົ່ງອອກຜະລິດຕະພັນກະເສດ. ເຖິງຢ່າງໃດກໍຕາມ, ມີນັກຊ່ຽວຊານ, ນັກວາງແຜນກຳນົດດ້ານເສດຖະກິດຫລາຍທ່ານຢູ່ ພາຍໃນ ແລະ ຕ່າງປະເທດ ໄດ້ກ່າວເຕືອນວ່າ ໄປຄຽງຄູ່ກັບບັນດາກາລະໂອກາດໃຫຍ່ນັ້ນ ອາດຈະມີສິ່ງທ້າທາຍຫລາຍຢ່າງບໍ່ແມ່ນຫນ້ອຍສຳລັບຂະແຫນງກະສິກຳ ແລະຊາວກະສິກອນຫວຽດນາມ.