ນີ້​ແມ່ນ​ການ​ຢັ້ງ​ຢືນ​ຂອງ ​ທ່ານ ເລ​ຮວ່າຍ​ຈູງ​, ລັດ​ຖະ​ມົນ​ຕີ​ການ​ຕ່າງ​ປະ​ເທດ ຫວຽດ​ນາມ ທີ່​ການ​ຕ້ອນ​ຮັບ​ ທ່ານ Jon M.Huntsman, ຮອງ​ປະ​ທານ ທັງ​ເປັນ​ປະ​ທານ​ຜູ້​ຮັບ​ຜິດ​ຊອບ​ການ​ເຕີບ​ໂຕ​ຍຸດ​ທະ​ສາດ ກຸ່ມ​ບໍ​ລິ​ສັດ Mastercard (ປະ​ເທດ ອາ​ເມລິ​ກາ​), ໃນ​ວັນ​ທີ 15 ກັນ​ຍາ​ ທີ່​ສຳ​ນັກ​ງານ​ກະ​ຊວງ​ການ​ຕ່າງ​ປະ​ເທດ (ຢູ່​ ຮ່າ​ໂນ້ຍ​).

​ທີ່​ການ​ຕ້ອນ​ຮັບ​, ທ່ານ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ເລ​ຮວ່າຍ​ຈູງ ເນັ້ນ​ໜັກວ່າ ຫວຽດ​ນາມ ຍາມ​ໃດ​ກໍ່​ຖື​ເປັນ​ສຳ​ຄັນ​ການ​ພົວ​ພັນ​ກັບ ອາ​ເມລິ​ກາ​, ຕີ​ລາ​ຄາ​ສູງ​ການ​ພັດ​ທະ​ນາ​ຢ່າງສະ​ຖຽນ​ລະ​ພາບ​, ຕັ້ງ​ໜ້າ ແລະ ນັບ​ມື້​ນັບ​ແທດ​ຈິງ​ຂອງ​ການ​ພົວ​ພັນ​ສອງ​ຝ່າຍ​, ພິ​ເສດ​ແມ່ນ​ນັບແຕ່​ສອງ​ປະ​ເທດ​ສ້າງ​ຕັ້ງ​ຂອບ​ເຂດ​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ໃນ​ປີ 2023. ທ່ານ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ຢັ້ງ​ຢືນ ລັດ​ຖະ​ບານ ຫວຽດ​ນາມ ຍາມ​ໃດ​ກໍ່​ຖື​ເຂດ​ເສດ​ຖະ​ກິດ​ມີ​ທຶນ​ຕ່າງ​ປະ​ເທດ ແລະ ບັນ​ດາ​ກຸ່ມ​ບໍ​ລິ​ສັດ​ເຕັກ​ໂນ​ໂລ​ຊີ​ແຖວ​ໜ້າ ອາ​ເມລິ​ກາ ແມ່ນ​ຄູ່​ຮ່ວມ​ມື​ຮ່ວມ​ເດີນ​ທາງທີ່​ສຳ​ຄັນ​ໃນ​ວິ​ວັດ​ການ​ຫັນ​ຮູບ​ແບບ​ການເຕີບ​ໂຕ​, ການພັດ​ທະ​ນາ​ພື້ນ​ຖານໂຄງລ່າງ​ດີ​ຈີ​ຕອນ​, ການ​ເງິນ​ຮອບ​ດ້ານ ແລະ ການຮັບ​ປະ​ກັນ​ຄວາມ​ປອດ​ໄພ​, ຄວາມ​ໝັ້ນ​ຄົງ​ດ້ານ​ຂໍ້​ມູນ​.

​ສ່ວນ​ທ່ານ Jon M.Huntsman ຢັ້ງ​ຢືນ​ວ່າກຸ່ມ​ບໍ​ລິ​ສັດ Mastercard ໃຫ້​ຄຳ​ໝັ້ນ​ສັນ​ຍາ​ຈະລົງ​ທຶນ​ຍາວ​ນານ​, ເປີດ​ກ້ວາງ​ການ​ຮ່ວມ​ມື​ຍຸດ​ທະ​ສາດ​ກັບ​ບັນ​ດາ​ຄູ່​ຮ່ວມ​ມື​ຢູ່ ຫວຽດ​ນາມ ແລະ ໜູນ​ຊ່ວຍ ຫວຽດ​ນາມ​ ໃນ​ວິ​ວັດ​ການ​ຫັນ​ເປັນ​ດີ​ຈີ​ຕອນ​ແຫ່ງ​ຊາດ​. ພ້ອມ​ທັງ​ຕີ​ລາ​ຄາ​ສູງ​ເລື່ອງ ຫວຽດ​ນາມ ຈັດ​ກອງ​ປະ​ຊຸມ​ເວ​ທີ​ປາ​ໄສ​ຮ່ວມ​ມື​ເສດ​ຖະ​ກິດ ອາ​ຊີ - ປາ​ຊີ​ຟິກ (APEC) 2027.