ທ່ານ​ດາວ​ຈ້ອງ​ທີ ຫົວ​ໜ໊າກຳ​ມາ​ທິ​ການ​ວັດ​ທະ​ນະ​ທຳ, ສຶກ​ສາ, ຊາວ​ໜຸ່ມ, ເຍົາ​ວະ​ຊົນ ແລະ ອະ​ນຸ​ຊົນ​ຂອງ​ສະ​ພາ​ແຫ່ງ​ຊາດ​ຊຸດ​ທີ 13 (vovworld)- ວັນ​ທີ 11/3, ຢູ່​ແຂວງ​ລາວ​ກາຍ, ກຳ​ມາ​ທິ​ການ​ວັດ​ທະ​ນະ​ທຳ, ສຶກ​ສາ, ຊາວ​ໜຸ່ມ, ເຍົາ​ວະ​ຊົນ ແລະ ອະ​ນຸ​ຊົນ​ຂອງ​ສະ​ພາ​ແຫ່ງ​ຊາດ​ຫວຽດ​ນາມ​ຊຸດ​ທີ 13 ໄດ້​ດຳ​ເນີນ​ວາ​ລະ​ປະ​ຊຸມ​ຄັ້ງ​ທີ 10 ເພື່ອ​ປຶກ​ສາ​ຫາ​ລື, ຮັບ​ເອົາ​ຄຳ​ເຫັນ​ປະ​ກອບ​ໃສ່​ຮ່າງ​ບົດ​ລາຍ​ງານ​ອະ​ພິ​ປາຍ, ຮັບ​ເອົາ​ຄຳ​ເຫັນ​ປັບ​ປຸງ​ຮ່າງ​ກົດ​ໝາຍ​ວ່າ​ດ້ວຍ​ການ​ປົກ​ປ້ອງ, ເບິ່ງ​ແຍງດູ​ແລ ແລະ ສຶກ​ສາ​ອົບ​ຮົມ​ເດັກ(ສະ​ບັບ​ປັບ​ປຸງ) ແລະ ຮ່າງ​ກົດ​ໝາຍ​ວ່າ​ດ້ວຍ​ສື່ມວນ​ຊົນ(ສະ​ບັບ​ປັບ​ປຸງ). ນີ້​ແມ່ນ​ການ​ປະ​ກອບ​ຄຳ​ເຫັນ​ເທື່ອ​ສຸດ​ທ້າຍ​ໃສ່ ຮ່າງ​ບົດ​ລາຍ​ງານ​ອະ​ພິ​ປາຍ, ຮັບ​ເອົາ​ຄຳ​ເຫັນ​ປັບ​ປຸງ​ຮ່າງ​ກົດ​ໝາຍ 2 ສະ​ບັບ​ດັ່ງ​ກ່າວ ກ່ອນ​ທີ່​ຈະ​ຍື່ນ​ສະ​ເໜີ​ຕໍ່​ສະ​ພາ​ແຫ່ງ​ຊາດ​ພິ​ຈາ​ລະ​ນາ  ແລະ ຕົກ​ລົງ. ທ່ານ​ເລ​ດັກ​ເລີມ ຫົວ​ໜ້າ​ຄະ​ນະ ສ.ສ.ຊ ແຂວງ​ບີງ​ຖ້ວນ ໃຫ້​ຮູ້​ວ່າ : (ເທບ)      “ ບັນ​ຫາ​ທີ່​ຂ້າ​ພະ​ເຈົ້າ​ສົນ​ໃຈ ແມ່ນ​ການ​ສຶກ​ສາ​ອົບ​ຮົມ​ເດັກ. ເຖິງວ່າ ໄດ້ມີ​ການ​ອະ​ພິ​ປາຍ, ຮັບ​ເອົາ​ຄຳ​ເຫັນແລ້ວ​ກໍ​ຕາມ, ແຕ່​ຕາມ​ຂ້າ​ພະ​ເຈົ້າ​ແລ້ວ, ໃນ​ຂອບ​ເຂດ​ປັບ​ປຸງນັ້ນ, ຮ່າງ​ກົດ​ໝາຍ​ຄວນ​ເນັ້ນ​ໜັກ​ແຈ້ງກວ່າ​ກ່ຽວ​ກັບ​ບົດ​ບາ​ດ​ຂອງ​ໂຮງ​ຮຽນ ແລະ ບັນ​ດາ​ມາດ​ຕາ​ຕໍ່​ໄປ​ນັ້ນ ກໍ​ຍົກ​ໃຫ້​ເຫັນ​ແຈ້ງກວ່າ​ເພື່ອ​ໃຫ້​ສັງ​ຄົມ​ສາ​ມາດ​ສົມ​ທົບ​ກັນ​ເພື່ອ​ເບິ່ງ​ແຍງ​ເດັກ​ຢ່າງ​ເຕັມ​ສ່ວນ ”