ຊາວນະຄອນຫລວງຮ່າໂນ້ຍສັ່ງລາພົນເອກຫວໍ້ງວຽນຢາບ
13/10/2013 10:33
(vovworld)- ພາຍຫລັງອອກຈາກຫໍຈັດພິທີງານສົບແຫ່ງຊາດ, ຂະບວນລົດນຳສົ່ງໂລງສົບພົນເອກ ຫວໍ້ງວຽນຢາບ ໄປຜ່ານສາຍທາງຕ່າງໆ
(vovworld)- ພາຍຫລັງອອກຈາກຫໍຈັດພິທີງານສົບແຫ່ງຊາດ, ຂະບວນລົດນຳສົ່ງໂລງສົບພົນເອກ ຫວໍ້ງວຽນຢາບ ໄປຜ່ານສາຍທາງຕ່າງໆຄື: ເຈີນແທງຕົງ, ຈາງຕຽນ, ຮ່າງໄຄ, ຈາງທີ, ດ້ຽນບຽນຝູ, ຮ່ວາງຢ້ຽວ… ໄປເຖິງສະຫນາມບິນສາກົນ ໂນ້ຍບາຍ. ການສັ່ງລາ ພົນເອກ ຫວໍ້ງວຽນຢາບ ຂອງຊາວນະຄອນຫລວງ ຮ່າໂນ້ຍ ເຕັມໄປດ້ວຍຄວາມຕື້ນຕັນໃຈທີ່ສຸດ. ຊາວນະຄອນຫລວງ ຮ່າໂນ້ຍ ສັ່ງລາພົນເອກຫວໍ້ງວຽນຢາບ ພາບ:baomoi.com ນັບແຕ່ຮຸ່ງເຊົ້າ ຢູ່ລຽບຕາມຖະຫນົນ 12 ສາຍ ຢູ່ນະຄອນຫລວງ ຮ່າໂນ້ຍ ບ່ອນທີ່ຂະບວນລົດນຳສົ່ງໂລງສົບໄປຜ່ານ, ຊາວຮ່າໂນ້ຍທຸກຊັ້ນວັນນະ ແລະ ປະຊາຊົນບັນດາແຂວງ, ນະຄອນໃນທົ່ວປະເທດ ໄດ້ຢືນເປັນລະບຽບຮຽບຮ້ອຍຢູ່ສອງຟາກທາງ. ມີຫລາຍຄົນນຳເອົາຮູບພາບພົນເອກ ພົນເອກ ຫວໍ້ງວຽນຢາບ, ຮູບພາບປະທານໂຮ່ຈິມີນ ແລະ ທຸງຊາດ, ດອກໄມ້ ລໍຖ້າເພື່ອສັ່ງລາ ພົນເອກ ຫວໍ້ງວຽນຢາບຄັ້ງສຸດທ້າຍ. ທ່ານ ຟ້າມວັນເລີມ ຢູ່ ຕາແສງ ກວານແທງ ເມືອງ ບາດີງ ຮ່າໂນ້ຍ ຮູ້ສຶກທຸກໂສກເສຍດາຍທີ່ສຸດ ນຳ້ຕາໄຫລອອກເມື່ອລົດນຳສົ່ງໂລງສົບ ພົນເອກ ຫວໍ້ງວຽນຢາບໄປຜ່ານ.
TAG
vovworld/vov/ສັ່ງລາ/ພົນເອກ/ຟາກທາງ
Related
