ກ່າວຄໍາເຫັນໃນກອງປະຊຸມຄະນະລັດຖະບານທີ່ດໍາເນີນຢູ່ທໍານຽບຂາວ, ທ່ານປະທານາທິບໍດີ Donald Trump ເນັ້ນໜັກວ່າ ຖ້າຫາກ ອາເມລິກາ ບໍ່ບັນລຸໄດ້ຂໍ້ຕົກລົງດ້ານການຄ້າ ກັບ ຈີນ ນັ້ນ, ທ່ານຈະຂຶ້ນອັດຕາພາສີໃຫ້ສູງກວ່ານັ້ນຕື່ມອີກ. ທ່ານ Donald Trump ກ່າວວ່າ:         “ຈີນ ຈະຕ້ອງປະຕິບັດຂໍ້ຕົກລົງ ທີ່ຂ້າພະເຈົ້າເຫັນດີ. ຖ້າຫາກເຂົາເຈົ້າບໍ່ເຮັດຄືແນວນັ້ນ, ກໍບໍ່ມີບັນຫາຫຍັງ. ປັດຈຸບັນ, ຂ້າພະເຈົ້າຮູ້ສຶກເພິ່ງພໍໃຈຕໍ່ຈີນ. ເຂົາເຈົ້າພວມສົ່ງເງິນຄືນໃຫ້ພວກເຮົານັບເປັນຕື້ໆ USD. ພວກເຮົາຈະໄດ້ຫຼາຍກວ່າ 100 ຕື້ USD ໃນອະນາຄົດໃກ້ໆນີ້”.         ມາຮອດປັດຈຸບັນ, ອາເມລິກາ ໄດ້ຈັດວາງອັດຕາພາສີສໍາລັບສິນຄ້າຂອງຈີນປະມານ 500 ຕື້ USD ແລະ ຈີນ ພວມໂຕ້ຕອບດ້ວຍການຈັດວາງອັດຕາພາສີຕໍ່ສິນຄ້າຂອງ ອາເມລິກາ ປະມານ 110 ຕື້ USD.