ໂດຍສະ​ເຫລີມ​ສະ​ຫລອງ 55 ປີ​ແຫ່ງວັນ​ວິ​ນາດ​ສະ​ກຳ​ທາດ​ພິດ​ສີ​ສົ້ມ​ຢູ່​ຫວຽດ​ນາມ (10/8/1961-10/8/2016), ຕອນ​ເຊົ້າ​ວັນ​ທີ 3/8 ຫໍ​ພິ​ພັນ​ທະ​ພັນ ປະ​ຫວັດ​ສາດ​ການ​ທະ​ຫານ​ຫວຽດ​ນາມ, ສະ​ມາ​ຄົມ​ຜູ້​ປະ​ສົບ​ເຄາະ​ຮ້າຍ​ຈາກ​ທາດ​ພິດ​ສີ​ສົ້ມ/ດີ​ໂອ​ຊີນ​ຫວຽດ​ນາມ, ເຫລົ່າ​ທັບ​ເຄ​ມີ ແລະ ຫໍ​ສະ​ຫມຸດກອງ​ທັບ ສົມ​ທົບ​ກັນ​ຈັດ​ຕັ້ງ​ງານ​ວາງ​ສະ​ແດງ​ຫົວ​ເລື່ອງ​ສະ​ເພາະ “ສີ​ສົ້ມ-ມະ​ໂນ​ທຳ-ຍຸ​ຕິ​ທຳ”.  ງານ​ວາງ​ສະ​ແດງ​ໄດ້ ວາງ​​ສະ​ແດງ​ 400 ຮູບ​ພາບ, ເອ​ກະ​ສານ, ວັດ​ຖຸ​ພັນ ກ່ຽວ​ກັບ​ ວິ​ນາດ​ສະ​ກຳ, ຄວາມ​ມາ​ນະ​ພະ​ຍາ​ຍາມ​ແກ້​ໄຂ​ຜົນ​ຮ້າຍ​ຢ້ອນ​ຫລັງ, ຄວາມ​ເມດ​ຕາ​ປານ​ີ ແລະ ຄວາມ​​ໄຝ່​ຝັນບືນ​ຕົວ​ຂຶ້ນ.       ຈຸດ​ປະ​ສົງ​ຂອງ​ງານ​ວາງ​ສະ​ແດງ​ຄັ້ງ​ນີ້ ແມ່ນກ່າວ​ປະ​ນາມ​ໂທດ​ກຳ ຊື່ງ​ຈັກ​ກະ​ພັດ​ອາ​ເມ​ລິ​ກາ​ໄດ້​ກໍ່​ຂຶ້ນ​ສົງ​ຄາມ​ຮຸກ​ຮານຫ​ວຽດ​ນາມ, ພິ​ເສດ ແມ່ນ​ສົງ​ຄາມ​ເຄ​ມີ​ໄດ້​ກໍ່​ຄວາມ​ເຈັບ​ປວດ​ໃຫ້​ລຸ້ນ​ຄົນ​ຕ່າງໆ​ຂອງ​ຊາວ​ຫວຽດນາມ. ຜ່ານການຈັດຕັ້ງງານວາງສະແດງປາດ​ຖະ​ຫນາ​ຢາກ​ບັນ​ດາ​ອົງ​ການ, ສ່ວນ​ບຸກ​ຄົນ, ນັບ​ທັງ​ວົງ​ຄະ​ນາ​ຍາດ ຈົ່ງ​ຮ່ວມ​ແຮງ​ຮ່ວມ​ໃຈ​ເພື່ອ​ແກ້​ໄຂ​ຜົນ​ຮ້າຍ​ຢ້ອນ​ຫລັງ​ຈາກ​ທາດ​ພິດ​ສີ​ ສົ້ມ ພ້ອມ​ທັງ​ອອກ​ສຽງ​ສະ​ຫນັບ​ສະ​ຫນູນ, ຕໍ່​ສູ້​ທ​ວງ​ເອົາ​ຄວາມ​ຍຸ​ຕິ​ທຳ​ໃຫ້​ແກ່​ບັນ​ດາ​ຜູ້​ປະ​ສົບ​ເຄາະ​ຮ້າຍ​ຈາກ​ ທາດ​ພິດ​ສີ​ສົ້ມ​ດີ​ໂອ​ຊີນ​ຫວຽດ​ນາມ.