(vovworld) - ໃນ​ຊຸ​ມມື້ນີ້, ຖະ​ໜົນ​ຮ່າງ​ມ້າ ຍາ​ມ​ໃດ​ກໍ່ມ​ີ​ຄົນ​ຊື້​ຂາຍຢ່າງ​​ຄັບ​ຄາໜາ​ແໜ້ນ ແລະ ນີ້ກໍ່​ແມ່ນ​ໂອ​ກາດ​ເພື່ອ​ໃຫ້ແຂກ​ທ່ອງ​ທ່ຽວ​​ຖ່າຍ​ຮ​ູບ​​ຄື. ຮ່າງ​ມ້າ ໄດ້​ຮັບ​ຖື​ວ່າ, ແມ່ນ​ຖະ​ໜົນ​​ມີ​ສີ​ສັນ​​ຫຼາ​ກ​ຫຼາຍ​ໃນ​ຄຸ​ມ​ຖະ​ໜົນ​ເກົ່າ​ຂອງ​ຮ່າ​ໂນ້ຍ, ພິ​ເສດ​ແມ່ນ​ໃນ​ຍາມ​ບຸນ​ເຕັດ ແລະ ງານ​ບຸນ​ຕ່າງໆ. ທັງຖະໜົນ​​ເຕັມ​ໄປດ້ວຍ​ສີ​ສັນ​​ຫຼາກ​ຫຼາຍ​ຂອງໂຄມ​ໄຟ, ເຄື່ອງ​ປະ​ດັບ​, ເຄື່ອງ​ບູ​ຊາ​ດ້ວຍ​ເຈ້ຍ. ຊຸ​ມມື້​ໃກ້​ຈ​ະ​ຮອດ​ບຸນ​ເຕັດ, ຫຼາຍ​ຄົນ​ຄັດ​ເລືອກ​ຖະ​ໜົນ​ຮ່າງ​ມ້າ ແມ່ນ​ສະ​ຖານ​ທີ່​ຍ່າງ​ຫຼິ້ນ, ຢ້ຽມ​ຊົມ ເພື່ອ​ຮັບ​ຮູ້ໄດ້​ບັນ​ຍາ​ກາດ​ບຸນ​ເຕັດ​ພວມ​ວຽນ​ມາ​ຢູ່​ຄຸ້ມຖະ​ໜົນເກົ່າ 36 ສາຍ. ຊຸມມື້​​ທ້າຍ​ປີ ແມ່ນ​ຈຸດ​ເວ​ລາ​ມີ​ຄົນ​ໄປ​ມາ​​ຊື້​ຂາຍຢ່າງ​​ຄຶກ​ໂຄມໜາ​ແໜ້ນທີ່​ສຸດ. ຖະ​ໜົນ​ສາຍນີ້​ຍັງ​ແມ່ນ​ຂົວ​ຕໍ່​​ເຂດ​ຊື້​ຂາຍ​ເຄື່ອງ​ຂອງ​ເຊິ່ງ​ລວມມ​ີ​ບັນ​ດາ​ຖະ​ໜົນຄື: ຮ່າງ​ງາງ, ຮ່າງ​ດ່າວ, ຮ່າງ​ເດື່ອງ, ດົ່ງ​ຊວນ, ຮ່າງ​ເລືອກ. ບັນ​ດາ​ເຄື່ອງ​ຂອງ​ບຸ​ຊາກໍ່​​ຖືກວາງ​ຂາຍ​ເປັນຈຳ​ນວນຫຼວງ​ຫຼາຍ. ຮູບ​​ສັດ​ທີ່​ເປັນ​ສັນ​ຍາ​ລັກ​ໃຫ້​​ປີ​ໃໝ່​ຖືກ​ວາງ​ຂາຍ​ຢ່າງ​​ສວຍ​ງາມ. ຢູ່​ພາກ​ເໜືອ, ດອດຄາຍ ​​ເປັນສັນ​ຍາ​ລັກ​ໃຫ້​ບຸ​ນ​ເຕັດ, ແຕ່​ຢູ່​ທີ່ນີ້​​ເພື່ອນກໍ່​ສາ​ມາດ​ຊື້​ດອກ​ຄາຍທີ່​ເປັນ​ສັນ​ຍາ​ລັກ​ຂອງ​ຊາວ​ພາກ​ໃຕ້​ໄດ້. ຢູ່​ແຄມຖະ​ໜົນ, ບັນ​ດາ​​ຊ່າງ​ຕັດ​ຜົມພວມ​ຮີບ​ເຮັ່ງຮັບ​ໃຊ້​ແຂກ​ໃນ​ຍາມ​ທ້າຍ​ປີ.