(vovworld) - ມົ້ກ​ເຈົາໄດ້​ຮັບ​ຖື​ວ່າ​ແມ່ນ​ເຂ​ດ​ພູ​ສູງ​ທີ່​ສວຍ​ງາມກວ່າ​ໝູ່​ຢູ່​ເຂດ​ພາກ​ເໜືອ, ຂຶ້ນ​ກັບ​ແຂວງ​ເຊີນ​ລາ. ເຖິງວ່າ, ຫວຽດ​ນາມ ໄດ້​ພັດ​ທະ​ນາ, ທັ​ນ​ສະ​ໄໝ​ຄື​ແນວ​ໃດ​ກໍ່​ຕາມ, ​ແຕ່ມົກ​ເຈົາ ຍັງ​ຄົງ​ຮັກ​ສາ​ຄວາມ​ງາມ​ແບບ​ຮົກ​ເຮື້ອ​ວ່າງ​ເປົ່າ, ພ້ອມ​ກັບ​ຄວາມ​ລຶກລັ​ບ​ທີ່​​ພວມລ​ໍ້​ຖ້າ​ນັກ​ທ່ອງ​ທ່ຽວ​ມ​າ​ຄົ້ນ​ຫາ. ໂດຍ​ຫ່າງ​ຈາກ​ນະ​ຄອນ​ຮ່າ​ໂນ້ຍ 200 ກ.ມ, ມົກ​ເຈົາ ຍາມ​ໃດກໍ່​ຮັກ​ສາ​ຄວາມ​ງາມ​ແບບ​ຮົກ​ເຮື້ອ​ວ່າ​ເປົ່າ, ເຖິງວ່າ​ຢູ່​ຫຼາຍ​ແຫ່ງ​​ຢູ່ ຫວຽດ​ນາມ ໄດ້ຮັບ​ການ​ພັດ​ທະ​ນາ​​ຢ່າງທັນ​ສະ​ໄໝ​​ແລ້ວ​ກໍ່​ຕາມ. ແຕ່​ລະ​ລະ​ດ​ູ, ມົກ​ເຈົາ ​ກໍ່ມີ​​ສີ​ສັນ​ພິ​ເສດ​ສະ​ເພາະ, ແຕ່​ຢາກ​ຄົ້ນ​ຫາ​ຄວາມ​ງາມ​​ແບບທຳ​ມະ​ຊາດ​ຂອງມົກ​ເຈົາ​ໃຫ້​ໝົດ, ເດືອນ 2 – 3 ແມ​່ນ​ຈຸດ​ເວ​ລາ​ເໝາະ​ສົມ​ທີ່​ສຸດ​ໃຫ້​ແກ່​​ນັກ​ທ່ອງ​ທ່ຽວ. ເມື່ອ​ເວົ້າ​ເຖິງ ມົກ​ເຈົາ, ສິ່ງ​ທຳ​ອິດ​ທີ່​​ຜູ້​ໃດ​ກໍ່​ຄິດເຖິງ​ນັ້ນ​​ແມ່ນ​ບັນ​ດາ​ໂນນ​ພູ​ປູກຊາ​​ທີ່ຂຽວ​​ອຸ່ມ​ທູ່ມກວ້າງສຸດ​ສາຍ​ຕາ ແລະ ຝູງງົວ​ນົມ​ໄດ້​​ຮັບ​ການລ້ຽນ​ຢ່າງ​ລະ​ອຽດ​ລະ​ອໍ. ເພາະ​ສະ​ນັ້ນ, ໜຶ່ງ​ໃນ​ບັນ​ດາ​ສະ​ຖານ​ທີ່​​ທ່ອງ​ທ່ຽວ​ທີ່​ຂາດ​ບໍ່​ໄດ້​ໃນ​ການ​ຢ້ຽມ​ຢາມ​​ມົກ​ເຈົາ ນັ້ນ​ແມ່ນ ໂນນ​ພູ​ປູກຊາ​​ຕາມຮູບ​ໝາກ​ຫົວ​ໃຈ. ໂນນພູປູກຊາຮູບໝາກຫົວໃຈແມ່ນສະຖານທີ່ດຶງດູດບັນດາຄູ່ບາວສາວເມື່ອມາຢ້ຽມຢາມມົກເຈົາ. ມາຢ້ຽມຢາມໂນນພູປູກຊາ, ເພື່ອນຢ່າລື່ມນຸ່ງຊຸດອາພອນຂອງຊົນເຜົ່າມົ້ງ ເພື່ອຮູ້ສຶກໄດ້ວັດທະນະທຳທີ່ສວຍງາມຂອງຊາວເຜົ່າມົ້ງ. ແລະບາງເທື່ອ, ເພື່ອນກໍ່ໄດ້ພົບເຫັນບັນດາບ່າວສາວຊາວເຜົ່າມົ້ງ ບົນເສັ້ນທາງກັບເມືອບ້ານ. ບົນ​​ເສັ້ນ​ທາງ​ພາ​ໄປ​ເຖິງ​ໂນນ​ພູ​ປູກຊາ​​ຮູບໝາກ​ຫົວ​ໃຈ, ຫງູດົ້ງ​​ບ້ານ​ໂອນ ກໍ່ແມ່ນ​ສະ​ຖານ​ທີ່​ທ່ອງ​ທ່ຽວ​ທີ່​ຂາດບໍ່​​ໄດ້ອ​ສຳ​ລັບ​ຜູ້​ມີ​ຄວາມ​ນິ​ຍົມ​ຄົ້ນ​ຫາ.