(VOVWORLD) - ວັນທີ 23 ພະຈິກແມ່ນວັນມໍລະດົກວັດທະນະທຳຫວຽດນາມ. ຫວຽດນາມມີສາງມໍລະດົກວັດທະນະທຳທີ່ອຸດົມສົມບູນ, ຫຼາຍຮູບຫຼາຍແບບດ້ວຍມໍລະດົກວັດທະນະທຳຫຼາຍກ່ວາ 40.000 ຢ່າງໄດ້ຮັບການສຳຫຼວດກວດກາຂຶ້ນບັນຊີ. UNESCO ໄດ້ຮັບຮູ້ 8 ມໍລະດົກວັດທະນະທຳແລະທຳມະຊາດ, 15 ມໍລະດົກວັດທະນະທຳບໍ່ເປັນວັດຖຸແລະ 9 ມໍລະດົກວັດທະນະທຳເອກະສານ, ໄປຄຽງຄູ່ກັນນັ້ນມີຫໍພິພິທະພັນເກືອບ 200 ແຫ່ງໄດ້ເກັບຮັກສາວັດຖຸພັນເກືອບ 4 ລ້ານຢ່າງ, ໃນນັ້ນມີວັດຖຸພັນແລະກຸ່ມວັດຖຸພັນເກືອບ 200 ຢ່າງໄດ້ຮັບການຢັ້ງຢືນແມ່ນວັດຖຸປະເສີດຂອງຊາດ. ໃນຊຸມປີມໍ່ໆມານີ້, ນັບມື້ນັບມີຊາວໜຸ່ມຫຼາຍຄົນເຂົ້າຮ່ວມການຟື້ນຟູ, ຫັນມໍລະດົກ, ຮ່ອງຮອຍສະຖານກາຍເປັນດີຈີຕອນ, ຈາກນັ້ນກໍ່ປະກອບສ່ວນເຂົ້າໃນການອະນຸລັກຮັກສາມໍລະດົກວັດທະນະທຳຫວຽດນາມ.