(VOVWORLD) - ໂດຍເຂົ້າຮ່ວມການເຄື່ອນໄຫວປະຕິວັດນຳພໍ່ ແລະ ເອື້ອຍ ນັບແຕ່ຄາວອາຍຸຫາກໍໄດ້ 12 ປີ, ທ່ານພັນເອກ ຟານຢິງ ກໍເຊື່ອມຊຶມແນວຄິດໂຮ່ຈີມິນ ກ່ຽວກັບນ້ຳໃຈສາມັກຄີສາກົນທີ່ວ່າ “ຊ່ວຍເພື່ອນແມ່ນຊ່ວຍຕົນເອງ” ຢ່າງເລິກເຊິ່ງໂດຍໄວ. ໂດຍຕິດພັນກັບປະເທດລາວ ເກືອບທັງຊີວິດຂອງຕົນ ແລະ ຮັບດຳລົງຫຼາຍໜ້າທີ່ແຕກຕ່າງກັນ ບໍ່ວ່າຈະເປັນເດັກສົ່ງຈົດໝາຍ, ທະຫານສືບລາຊະການລັບ, ເລຂາຂອງທ່ານປະທານ ໄກສອນ ພົມວິຫານ, ນັກຊ່ຽວຊານດ້ານການທະຫານ... ຍິ່ງເຮັດໃຫ້ ທ່ານ ມີຄວາມຮັກຕໍ່ກັບດິນແດນແຫ່ງດອກຈຳປານີ້ຢ່າງເລິກເຊິ່ງ ແລະ ຄວາມຮັກເຫຼົ່ານັ້ນ ຍັງສືບຕໍ່ໄດ້ຮັບການເສີມຂະຫຍາຍ ແລະ ແຜ່ກະຈາຍໄປເລື້ອຍໆ.