ກ່ອນນີ້ 2 ປີ (ວັນທີ 15 ສິງຫາ 2021), ຕາລີບານ - ກຳລັງອິດສະລາມຫົວຮຸນແຮງ ຄວບຄຸມ ອາບການິດສະຖານ ໄລຍະ 1996 – 2001, ໄດ້ສຳເລັດບັ້ນການທະຫານແບບໄວພະລັນ, ຍາດສິດຄວບຄຸມປະເທດຈາກຝ່າຍກອງທັບ. ຕາມຂໍ້ຕົກລົງທີ່ບັນລຸໄດ້ກັບ ອາເມລິກາ ກ່ອນໜ້ານັ້ນ (ຢູ່ Doha ເດືອນ  ກຸມພາ 2020), ຕາລີບານ ໃຫ້ຄຳໝັ້ນສັນຍາສ້າງຕັ້ງປະເທດຄືນໃໝ່, ສ້າງພື້ນຖານສັນຕິພາບ, ສະຖຽນລະພາບຢູ່ປະເທດນີ້. ແຕ່ວ່າ, ໃນສະພາບການຕົວຈິງ 2 ປີຜ່ານມາ, ຄຳໝັ້ນສັນຍາກ່ຽວກັບລັດຖະບານຮອບດ້ານ, ກວມລວມ ກໍຄື ການປ່ຽນແປງໃໝ່ວິທີການຄຸ້ມຄອງປະເທດຊາດ ແນໃສ່ນຳມາເຊິ່ງຊີວິດການເປັນຢູ່ທີ່ມີຄວາມສະຫງົບປອດໄພ, ເສດຖະກິດພັດທະນາເປັນຢ່າງດີກວ່ານັ້ນ ແມ່ນຍັງບໍ່ທັນປະຕິບັດໄດ້ເທື່ອ.