ໂລກຍັງມີຄວາມສົນລະວົນໃຈ ຍ້ອນບັນດາເຫດກໍ່ການຮ້າຍໄດ້ເຮັດໃຫ້ມີຜູ້ເສຍຊີວິດ ແລະ ຮັບບາດເຈັບເປັນຈຳນວນຫລາຍຢູ່ປະເທດ ສີລັງກາ ພາຍຫລັງຢຸດຕິເສິກການເມືອງຢູ່ປະເທດ ອາຊີໃຕ້ນີ້ ມາເປັນເວລາ 1 ທົດສະວັດ. ເຫດການດັ່ງກ່າວ ບໍ່ພຽງແຕ່ແມ່ນວຽກງານພາຍໃນຂອງປະເທດໃດໜຶ່ງເທົ່ານັ້ນ ຍ້ອນມັນມີຮ່ອງຮອຍຂອງການກໍ່ການຮ້າຍສາກົນ. ນີ້ແມ່ນຄຳກ່າວເຕື່ອນໃຫ້ບັນດາປະເທດທັງໝົດ ບໍ່ຄວນຂາດຄວາມລະມັດລະວັງໃນການຕໍ່ສູ້ຕ້ານຄືນລັດທິກໍ່ການຮ້າຍ.