ຕາມການສຳຫຼວດຂອງໜັງສືພິມ Financial Times ກັບບັນດານັກເສດຖະກິດໄດ້ສະແດງໃຫ້ເຫັນວ່າ ມີຫຼາຍຄົນເກີດຄວາມວິຕົກກັງວົນ, ໄປພ້ອມກັບໂລກລະບາດໂຄວິດ - 19, ໄພເງິນເຟີ້ ແມ່ນປັດໄຈສ່ຽງທີ່ໜ້າສົນໃຈທີ່ສຸດສຳລັບແງ່ຫວັງຟື້ນຟູ ແລະ ການເຕີບໂຕຂອງ 19 ປະເທດທີ່ນຳໃຊ້ສະກຸນເງິນ ເອີໂຣ. ຖ້າຫາກວ່າ ພາຍຫຼັງປີ 2022, ໄພເງິນເຟີ້ຍັງສືບຕໍ່ເພີ່ມຂຶ້ນສູງກວ່າເປົ້າໝາຍນັ້ນ, ທະນາຄານສູນກາງເອີຣົບ (ECB) ຈະຕ້ອງດັດປັບນະໂຍບາຍຢ່າງແຮງກວ່າ, ເຮັດໃຫ້ເພີ່ມພາລະແກ່ພື້ນຖານເສດຖະກິດ ແລະ ກໍ່ຄວາມສ່ຽງກ່ຽວກັບສະຖຽນລະພາບດ້ານການເງິນ.