(VOVWORLD) - ການເຕີບໂຕເສດຖະກິດຂອງ ຫວຽດນາມ ໃນໄຕມາດທີ III/2024 ຄາດວ່າບັນລຸ 7,4% ແລະ 9 ເດືອນຕົ້ນປີ 2024 ບັນລຸປະມານ 6,82% ສູງກ່ວາລະດັບຄາດຫວັງໃນສະພາບການພື້ນຖານເສດຖະກິດບາງທ້ອງຖິ່ນຢູ່ທາງພາກເໜືອຖືກຜົນກະທົບຢ່າງຮ້າຍແຮງຈາກພາຍຸ Yagi ເມື່ອຕົ້ນເດືອນກັນຍາຜ່ານມາ. ໃນນັ້ນ, ລະດັບການເຕີບໂຕ GDP 9 ເດືອນຕົ້ນປີ 2024 (6,82%) ແມ່ນລະດັບເຕີບໂຕສູງພໍສົມຄວນເມື່ອທຽບໃສ່ກັບລະດັບການເຕີບໂຕ GDP ໃນໄລຍະດຽວກັນຂອງປີ 2023 (4,4%). ດ້ວຍຄວາມມານະພະຍາຍາມຂອງທົ່ວລະບົບການເມືອງ, ທ້ອງຖິ່ນ, ວິສາຫະກິດ ແລະ ປະຊາຊົນ, ເປົ້າໝາຍການເຕີບໂຕດ້ານເສດຖະກິດທັງປີ 2024 ຢູ່ລະດັບ 6,5 – 7% ພວມໃກ້ຈະບັນລຸໄດ້.